رووسیا فیدرال ئیرۆ ل سه‌ر زارێ وه‌زیرێ خوه ئێ كارێن ده‌رڤه به‌هسا پێویستییا پاراستنا گه‌لێ كورد ئێ رۆژئاڤا كوردستانێ كر و خوه‌ست پرسگرێكا وان هه‌ری زوو وه‌ره چاره‌سه‌ر‌كرن.
سه‌رگی لاڤرۆڤ د مژارا هه‌ولێن درستكرنا ناڤچه‌یا ئارام ده ل رۆژئاڤا كوردستانێ دبێژه: پێویسته گه‌لێ كورد ل سووریێ و ل ناڤچه‌یا ئارام پاراستی به، دۆزا وان ژی نه‌به پرسگرێكه‌كه هه‌رێمی و بێ چاره‌سه‌ری بمینه.
هه‌ر وها گۆت: چاڤدێرییا وان ل سه‌ر مانۆرێن لەشکریێن تركیێ و ئه‌مەریكایێ ژ بۆ دامه‌زراندنا ناڤچه‌یا ئارام هه‌یه و ته‌كه‌ز كر، مۆسكۆ وێ پشته‌ڤانیێ ل هه‌ر لهه‌ڤهاتنه‌كێ بكه كو ب سه‌ده‌ما وێ ئالۆزی ل باكوورێ رۆژهه‌لاتا سووریێ وه‌رن كێم كرن.
سه‌رگی لاڤرۆڤ دا زانین كو لهه‌ڤهاتنێن واشنتۆن و ئه‌نقه‌رێ ده‌ربارێ ناڤچه‌یا ئارام، پێویسته خاكا سووریێ ژبۆ ده‌وله‌تا وێ ڤه‌بگه‌رینه.
