ئه‌مه‌ریكایێ بانده‌كه‌ كه‌شتیێن په‌ترۆلێ ئێن پاسدارن ئه‌شكه‌ره‌ كر

ویلایه‌تێن یه‌كگرتی ئێن ئه‌مه‌ریكا، سزایێن هه‌ری گران خستن سه‌ر بانده‌كه‌ كه‌شتیێن ڤه‌گوهاستنا په‌ترۆلێ كو سپایێ پاسدار ئێن ئیرانێ، ئیداره‌ دكه‌.

وه‌زاره‌تا گه‌نجینا ئه‌مه‌ریكایێ، ئیرۆ سزایێن هه‌ری گران خستن سه‌ر بانده‌كه‌ كه‌شتیێن ڤه‌گوهاستنا په‌ترۆلێ، پشتی كو پشتراست كری ئه‌و بانده‌ ژ ئالیێ سپایێ پاسداران تێ ئیداره‌ كرن.

ل گۆری به‌یانه‌كه‌ نڤیسكی ئا وه‌زاره‌تا خه‌زینا ئه‌مه‌ریكایێ، هنه‌ك كه‌شتیێن باندا ناڤهاتی، په‌ترۆل ب قاسی سه‌دان ملیۆنێن دۆلاران ژبۆ سووریێ ڤه‌گوهاستنه‌، ئه‌و یه‌ك ژی ب بنپێكرن ژبۆی سزا ئێن واشنتۆنێ ل سه‌ر ته‌هرانێ تێ هه‌ژمارتن.

سزا ئێن ئیرۆ ئه‌مه‌ریكایێ ل سه‌ر ئیرانێ سه‌پاندنه‌، هه‌ژماره‌كه‌ كه‌ساتی ئێن ئیرانی ژی ڤه‌گرتنه‌، ژ وان وه‌زیره‌كێ پێشتر ئێ په‌ترۆلێ و كوڕێ وی، هه‌روه‌ها گرۆپه‌كه‌ شركه‌تێن هندستانێ یه‌ك ژ وان خوه‌دی ئا كه‌شتی ئا ب ناڤێ ئه‌دریان داریایه‌ كو ده‌مه‌كه‌ د ده‌ریا ئا سپی ئا ناڤین ده‌ شه‌پرزه‌ بوویه‌.

وه‌زاره‌تا گه‌نجینا ئه‌مه‌ریكایێ به‌هسا سپایێ پاسداران و هزبوللا ئا لوبنانی كرنه‌ و دبێژه‌: وان هه‌ردو سازیێن له‌شكری ب قاسی 750 ملیۆن دۆلاران قازانج ژ هنارتنا په‌ترۆلێ بۆ سووریێ كرنه‌.

وه‌زاره‌تا خه‌زینا ئه‌مه‌ریكایێ ئه‌و یه‌ك ئه‌شكه‌ره‌ كر و داخوه‌یاكرن كو هه‌ر ئالییه‌كێ په‌ترۆلا ئیرانێ بكڕه‌، وێ بكه‌ڤه‌ به‌ر ره‌هما سزایێن هه‌ری گران ئێن ئه‌مه‌ریكایێ.

پوستێن ھەمان بەش