وه‌زیرێ په‌ترۆل: به‌رهه‌ما ئیراقێ وێ ببه‌ 7 ملیۆن به‌رمیل

ئاژانسا رۆیته‌رزێ ئیرۆ ژ زارێ وه‌زیرێ په‌ترۆلا ئیراقێ ڤه‌گوهاست كو ئیراق وێ ئاستا به‌رهه‌ما خوه‌ ئا په‌ترۆلێ، ژبۆ 5 ملیۆن به‌رمیلێن رۆژانه‌ به‌رز بكه‌.

سامر غه‌زبان وه‌زیرێ په‌ترۆلا ئیراقێ ئیرۆ د داخۆیانییه‌كێ ده‌ ژبۆ ئاژانسا نووچه‌یێن رۆیته‌رزێ ئه‌شكه‌ره‌ كر كو پلانێن ئیراقێ و وه‌زاره‌تا وێ ئا په‌ترۆلێ ژبۆ به‌رزكرنا ئاستا به‌رهه‌ما په‌ترۆلێ هه‌نه‌، ب ئاوایه‌كی كو رۆژانه‌ وێ 5 ملیۆن به‌رمیل وه‌رن به‌رهه‌مئانین.

 هه‌ر وها ئه‌شكه‌ره‌ كر، د پلانێن ئیراقێ ده‌ یه‌، ل ده‌ما سالێن داهاتی، ئاستا به‌رهه‌مئانینا په‌ترۆلا خوه‌ ژبۆ 7 ملیۆن به‌رمیلان به‌رز بكه‌.

ل گۆری داتایێن وه‌زاره‌تا په‌ترۆلا ئیراقێ، به‌رهه‌ما ئیراقێ ئا نها، پێتری 4 ملیۆن به‌رمیلانه‌ د رۆژێ ده‌، لێ ئه‌ڤ قه‌باره‌ وێ وه‌ره‌ به‌رز كرن و ببه‌ 5 ملیۆن به‌رمیل.

پوستێن ھەمان بەش