ئه‌وره‌ك ره‌ش وێ ب سه‌ر ئابوورا جيهانێ ده‌ بكه‌ڤه‌

سه‌رۆكا سازیا بانكا ناڤه‌ندی ئا ئه‌ورۆپایێ، هشیاریێ ژ پاشده‌ چوونا ئابوورا جیهانێ دده‌، لێ هه‌موه‌خت ئه‌شكه‌ره‌ كر كو ئابوورا ئه‌مریكا ژ خه‌ته‌رێ دووره‌.

كرستینا لاگارد سه‌رۆكا نوو ئا بانكا ناڤه‌ندی ئا ئه‌ورۆپایێ، د هه‌ڤدیته‌نه‌كه‌ تێله‌فزیوونی ده‌ كو ئیرۆ رۆژا دوشه‌می په‌خش بوویه‌، دبێژه‌: گه‌ف و خه‌ته‌را كو نها راستی بازرگانیا جیهانی دبه‌، ب مه‌زنترین خه‌ته‌ر ل سه‌ر ئابوورا جیهانێ تی هه‌ژمارتن.

هه‌ر وها دبێژه‌: راسته‌ ئه‌ڤ خه‌ته‌ر ل سه‌ر ئابوورا جیهانێ ده‌ركه‌تیه‌ هۆلێ، لێ به‌لێ ئابوورا ئه‌مه‌ریكایێ ژ خه‌ته‌رێ دووره‌ و دكارین ئابوورا وێ ب ساخله‌م ب ناڤ بكین.

كرستینا لاگارد كو ژ سالا 2011ان سه‌رۆكتیا سازیا سندۆقا دراڤی ئا ناڤده‌وله‌تی دكه‌، ژبۆ تۆرا مه‌دیایی ئا CBS دبێژه‌: تاریفا گۆمركان كو ئه‌مه‌ریكا و چینێ ل سه‌ر هه‌ڤ سه‌پاندنه‌، وێ ئابوورا جیهانێ ب قاسی 0.8% پاشده‌ ببه‌، باندۆرا وێ پاشده‌چوونێ وێ ل سالا 2020ان ب زه‌لالی خوه‌یا به‌.

سه‌رۆكا به‌نكا ناڤه‌ندی ئا ئه‌ورۆپایێ، ل داویا گۆتنا خوه‌ دبێژه‌: ته‌ڤی كو ئابوورا ئه‌مه‌ریكایێ بهێزه‌، لێ به‌لێ خه‌ته‌ر هه‌ر د رۆژه‌ڤێ ده ‌یه‌، ئه‌و خه‌ته‌ر ژی وه‌كه‌ ئه‌وره‌كی هه‌ری ره‌وش و تاری یه‌ كو ب سه‌ده‌ما وێ، پێشده‌چوونا ئابوورێ وێ نه‌هێسان به‌.

پوستێن ھەمان بەش