ئانتۆنیۆ گۆتیرێز: كۆكا جیهانێ وێ ب ئه‌تۆمیێ بقه‌له‌

سه‌كره‌ته‌رێ گشتی ئێ نه‌ته‌وێن یه‌كبوویی، هشیاریێ ژ جه‌نگه‌كه‌ هه‌ری مه‌زن ل ناڤچه‌یێ دده‌ كو ب نه‌رینا وی موهته‌مه‌له‌ ل هه‌ر وه‌خته‌كێ وه‌ره‌ ده‌ستپێكرن، هه‌ر وها گۆت: “گه‌ر جه‌نگێ ده‌ستپێكر، كۆكا جیهانێ وێ ب ئه‌تۆمیێ بقه‌له‌”.

ئانتۆنیۆ گۆتیرێز د په‌یامه‌كێ ده‌ كو ب هه‌لكه‌فتا رۆژا ناڤده‌وله‌تی ئا به‌رهنگاربوونا چه‌كا ئه‌تۆمی وه‌شاندیه‌، داخواز ژ هه‌ردو جه‌مسه‌رێن جیهانێ ویلایه‌تین یه‌كگرتی ئێن ئه‌مه‌ریكایێ و رووسیا فه‌ده‌رال دكه‌، ل هه‌ڤهاتنا ب ناڤێ “نیۆ ستارت” درێژ بكن، ژ بۆ كو وه‌خته‌كا پێتر ب گۆتوبێژێن پێشه‌رۆژا پرسا چاڤدێریا چه‌كێن ئه‌تۆمی وه‌ره‌ دایین.

واشنتۆن و مۆسۆكۆیێ ل هه‌ڤهاتنا “نیۆ ستارت” ل 8 نیسانا سالا 2010ان ده‌ ل پراگ ئا پایته‌ختا چیكێ ئیمز كرنه،‌ ل هه‌مان سالێ بجیبوویه‌، وه‌ختا وێ ژی هه‌یا سالا 2020انه‌.

ئانتۆنیۆ گۆتیرێز دبێژه‌: “هه‌ر بكارئانینه‌كا چه‌كا ئه‌تۆمی دێ ژبۆ مرۆڤاتیێ كاره‌ساتبار به‌، هه‌یا نها مه‌ پێشكه‌تنه‌كه‌ مه‌زن د سینۆردار كرنا وان چه‌كان ده‌ دیتیه‌، لێ به‌لێ نها ترس هه‌یه‌ ئه‌و پێشكه‌تنه‌ وه‌ره‌ راگرتن و پاشده‌ بچه‌”.

هه‌ر وها خوه‌یا كر، تێكلیێن ولاتێن خوه‌دی چه‌كێن ئه‌تۆمی ب هه‌ڤدو نها د ئاستا بێ باوه‌ریێ ده‌نه‌، هه‌ڤركی ئا نها تێ كرن، ژ بۆ وێ یه‌كێ یه‌ چ ولاته‌ك وێ پێتر و زووتر ببه‌ خوه‌دی چه‌كه‌كا ئه‌تۆمی ئا بهێزتر، ئه‌ڤ یه‌ك ژی ترسه‌كه‌ هه‌ری مه‌زنه‌ كو نه‌ دووره‌ كۆكا مرۆڤاتی و جیهانێ ب سه‌ده‌ما وێ بقه‌له‌.

پوستێن ھەمان بەش

گولان گارزان ئەو ژنا ب نهێنیێن خوە ڤە ھاتە بن ئاخکرن

گولان گارزان ئەو ژنا ب نهێنیێن خوە ڤە ھاتە بن ئاخکرن