خسارا هه‌ری مه‌زن ب په‌ترۆلێ كه‌ت

به‌رهه‌ما ئه‌ره‌بستانا سئوودیێ ڤه‌گه‌ری پێش هێرشا سه‌ر شركه‌تا ئارامكۆ

ب سه‌ده‌ما ڤه‌گه‌رینا به‌رهه‌ما ئه‌ره‌بستانا سئوودیێ، ژبۆ به‌ری ئێریشێن سه‌ر شركه‌تا ئارامكۆ، نرخا په‌ترۆلێ هه‌ری مه‌زن داكه‌ت.

ل گور بازارا سه‌نگاپۆرایێ، ئیرۆ رۆژا شه‌می و پێش داخستنا بازار، نرخا په‌ترۆلێ ب قاسی 1.4% داكه‌ت، ئه‌ڤ داكه‌تن ب سه‌ده‌ما ڤه‌گه‌رینا ئاستا به‌رهه‌ما ئه‌ره‌بستانا سئوودیێ ژبۆ پێش ئێریشا سه‌ر ئارامكۆیێ هات زانین.

په‌ترۆلا برێنت كو نرخا وێ ستانده‌ردا بازارانه‌، یه‌ك به‌رمیل ب قاسی 61.91 دۆلارێن ئه‌مه‌ریكی یه‌، لێ به‌لێ نرخا په‌ترۆلا رۆژئاڤا ئه‌مه‌ریكایێ تێكساسێ، یه‌ك به‌رمیل د قاسی 55.91 دۆلاران ده‌ یه‌.

ئه‌ڤ داكه‌تن هه‌موه‌ختا ئاسایی كه‌تنا ئاستا به‌رهه‌ما ئه‌ره‌بستانا سئوودیێ مه‌زنترین هه‌نارده‌كارا جیهانێ چێبوویه‌.

بازارێن په‌ترۆلێ رۆژێن یه‌كشه‌مان داخستی د مینه‌، ژبۆ ڤێ یه‌كێ داكه‌تنا ئیرۆ ب داكه‌تنا داوییا هه‌فتیێ تێ زانین و هه‌ر وها ب مه‌زنترین خسارا هه‌فتیێ ئا بازاران.

ل 14/9/2019ان دو باله‌فرێن درۆن ئێن بێ پیلۆت، ئێریشی شركه‌تا نه‌ته‌وه‌ئی ئا په‌ترۆلا ئه‌ره‌بستانا سئوودیێ ئارامكۆیێ كرن، ب سه‌ده‌ما ئێریشێ شه‌وات د فابریقه‌یێن شركه‌تێ ده‌ كه‌ت و به‌رهه‌ما وێ ب قاسی 50% قوت بوو.

قوتبوونا به‌رهه‌ما سئوودیێ، باندۆره‌كه‌ مه‌زن ل بازاران كر، نرخا په‌ترۆلێ ب قاسی 15 هه‌یا 19% به‌رز بوو.

پوستێن ھەمان بەش