یه‌كینه‌یێن هۆسیان ئه‌وا ب ئه‌نساروللا تێ ناسكرن و هه‌ڤپه‌یمانا ئیرانێ یه، ئیرۆ هنه‌ك دیمه‌نێن ئێریشه‌كه سه‌ر ئارته‌شا سئوودیێ راگهاندن.
یه‌كینه‌یێن هۆسیان ئیرۆ رۆژا یه‌كشه‌می 29/9/2019 هنه‌ك دیمه‌نێن ئێریشا دوهـ رۆژا شه‌می ئا ل دژی له‌شكرێن ئه‌ره‌بستانا سئوودیێ ل سینۆرێ باژارێ نه‌جرانێ ئێ باشوورێ ئه‌ره‌بستانێ وه‌شاندنه.
هۆسیان دوهـ رۆژا شه‌می، ئێریشه‌كه هه‌ری به‌رفره‌هـ كرنه سه‌ر ئارته‌شا سئوودیێ ل سینۆرێ نه‌جرانێ، هه‌ژماره‌كه له‌شكران كوشتن و وه‌كه كه‌نالا مه‌سیره ئا گرێدای هۆسیان دده خوه‌یاكرن، ب سه‌دان له‌شكر وه‌كه دیل كه‌تن ده‌ست یه‌كینه‌یێن هۆسیان.
ئه‌ره‌بستانا سئوودیێ ئه‌وا سه‌رپه‌رشتیێ ل هه‌ڤپه‌یمانیا ئه‌ره‌بی ئا دژی هۆسیان دكه، هه‌یا نها تو داخویانیه‌كه ل سه‌ر بدیل گرتنا له‌شكرێن خوه نه‌دایه.
هۆسیان هه‌موه‌ختا وه‌شاندنا دیمه‌نێن ئێریشا خوه ئه‌شكه‌ره كریه، وان هه‌ژماره‌كه ئه‌ره‌به‌یێن له‌شكری ئێن سئوودیێ كرنه ئامانج، هه‌ژماره‌كا هه‌ری زۆر ئا له‌شكران ژی خوه راده‌ست كرنه.
