پێشانگه‌ها ناڤده‌وله‌تی ئا بازرگانی ئا 13ان ل هه‌ولێرێ ئا پایته‌ختا باشوورێ كوردستانێ تێ ڤه‌كرن و 300 شركه‌ت و فابریقه ژ 22 ولاتێن جیهانێ، ته‌ڤلی پێشانگه‌هێ نه.
ئیرۆ رۆژا یه‌كه‌مین ئا پێشانگه‌ها ناڤده‌وله‌تی ئا هه‌ولێرێ ژبۆ تجاره‌تێ ده‌ست پێ كر، پێشانگه‌هـ گه‌را 13انه كو ئیرۆ سبێ ژ ئالیێ مه‌سروور بارزانی ئێ سه‌ر وه‌زیرێ هه‌رێما باشوورێ كوردستانێ هات ڤه‌كرن، 300 شركه‌ت و فابریقه‌یێ هه‌مه‌جۆر ژ 22 ولاتێن جیهانێ ژ بۆ كو ته‌ڤلی پێشانگه‌هێ ببن، روو كرنه هه‌ولێرێ.
پێشانگه‌ها ناڤده‌وله‌تی ئا هه‌ولێرێ، مه‌سه‌لێن ئاڤاكرنێ، چاندنیێ و هنه‌ك پرۆجێكتێن دن ل خوه دگره، وێ چار رۆژان ب دۆمه.
مه‌سروور بارزانی، سه‌ر وه‌زیرێ هه‌رێما باشوور د مه‌راسیما ده‌ستپێكرنا وێ ده وها ئاخڤی: “ئه‌مێ ب هه‌موو ئاوایه‌كی پشتگری و هێسانكاریێ ژبۆ ڤه‌به‌رهێنانا بیانی بكن، ئه‌م ب هێڤی نه ئه‌ڤ پێشانگه ببه ده‌رفه‌تا ل هه‌ڤكرنان و ڤه‌كرنا كوریدۆرێن تجاره‌تا ناڤده‌وله‌تی ب روویێ باشوورێ كوردستانێ ره”.
د چارچووڤه‌یا پێشانگه‌ها 13ان ئا هه‌ولێرێ ده، 2 پێشانگه‌هێن دن ئێ گرێدای مه‌سه‌لێن خوارنێ و چاندنیێ وێ وه‌ره پێكئانین.
