ئارامكۆ چاره‌سه‌ر بوو و شاندنا به‌رهه‌مێ ده‌ستپێكر

ئارامكۆ چاره‌سه‌ر بوو و شاندنا به‌رهه‌مێ ده‌ستپێكر

عه‌ره‌بستانا سعوودیێ ژ چاره‌سه‌ركرنا وێستگه‌هێن كۆمپانیا ئارامكۆ ب داوی بوو و ئه‌شكه‌ره‌ كر كو به‌رهه‌ما وێ جاره‌كه‌ دن ئاسایی دبه‌.

عه‌بدولعه‌زیز سه‌لمانێ وه‌زیرێ تێهنێ یێ سعوودیێ، ئیرۆ رۆژا پێنجشه‌مب 3/10/2019 ل ده‌ربارا به‌رهه‌ما ولاتێ خوه‌ داخویانی دا و گۆت: سازیێن كۆمپانیا ئارامكۆ هاتنه‌ چاره‌سه‌ر كرن و ئاستا به‌رهه‌ما وێ ڤه‌گه‌ری پێشی ئێریشا سه‌ر كۆمپانیێ.

هه‌روها گۆت: د نهه‌ ده‌، ئاستا به‌رهه‌ما سعوودیێ گهایه‌ 11.3 ملیۆن به‌رمیلان ل رۆژێ ده‌، ئه‌ڤ ئاست وه‌كه‌ رۆژێن پێشی ئێریشێ یه‌.

ل 14 مه‌ها سێپتامبه‌را ئیسال، دو باله‌فرێن بێ پیلۆت ئێریش كرن سه‌ر كۆمپانیا ئارامكۆ، ب سه‌ده‌ما ئێریشێ دو سازیێن وێ ژ كار كه‌تن و ئاستا به‌رهه‌ما سعوودیێ ب رێژا 5.7 ملیۆن به‌رمیلان ل كێمێ دا.

ئه‌ڤ چه‌نده‌ بوو سه‌ده‌ما به‌رز بوونا نرخا په‌ترۆلێ، لێ ئه‌مه‌ریكایێ هه‌ر ئێكسه‌ر هه‌ڤسه‌نگیا بازاران پاراست.