ئیرانێ وێ په‌ترۆلێ ب هه‌ر رێیه‌كێ بشینین

ئیرانێ وێ په‌ترۆلێ ب هه‌ر رێیه‌كێ بشینین

كۆمارا ئیسلامی یا ئیرانێ گوهـ ناده‌ دۆرپێچا ئه‌مه‌ریكایێ و ل رێیه‌كێ دگه‌ره‌ په‌ترۆلا خوه‌ پێ بشینه‌ به‌نده‌ر و بازاران.

وه‌زیرێ په‌ترۆلێ یێ ئیرانێ بیژه‌ن زه‌نگه‌نه‌ ئیرۆ ده‌ربارا مژارا شاندنا په‌ترۆلێ ولاتێ خوه‌ داخویانی دا و وها ئاخڤی: “ئیرانێ دێ هه‌ر رێیه‌كێ بكار بینت ژ بۆ كو په‌ترۆلا خوه‌ بشینه‌ به‌نده‌ر و بازارێن جیهانێ، ته‌هران گوهـ ناده‌‌ دۆرپێچ و سزایا ئه‌مه‌ریكایێ، په‌ترۆلا ئیرانێ مافێ وێ یێ شه‌رعی یه”‌.

ئه‌مه‌ریكا ژ 5 مه‌ها چریا دویه‌مین یا سالا 2018ان سزا ل سه‌ر ئیرانێ سه‌پاندنه‌، ل مه‌ها گولانێ یا سالا 2019ان پاكێجه‌كه‌ نوو یا سزایان ل سه‌ر سه‌پاند و ئه‌شكه‌ره‌ كر، پلانا ئه‌مه‌ریكا زیرۆكرنا ئاستا شاندنا په‌ترۆلا ئیرانێ یه‌.

ئه‌مه‌ریكایێ ته‌ڤی كو سزا ل سه‌ر ئیرانێ سه‌پاندنه‌، هوشداری دان ولاتێن ناڤچه‌یێ كو هه‌ر ولاته‌كێ په‌ترۆلا ئیرانێ بازرگانیێ پێ بكه‌، وێ كه‌ڤه‌ به‌ر سزایێن ئه‌مه‌ریكایێ،  ب وێ یه‌كێ ئاستا شاندنا په‌ترۆلا ئیرانێ ب رێژا 80% داكه‌ت.

د وێ ده‌ربارێ ده‌، ئاژانسا ناڤنه‌ته‌وه‌یی یا ئه‌نه‌رژیێ ته‌خمین كریه‌ كو ئاستا به‌رهه‌ما ئیرانێ ژ 202 ملیۆن به‌رمیلان بۆ 40 هزار به‌رمیلان د رۆژه‌كێ ده‌ داكه‌تیه‌.