مۆسكۆ پێشنیازا ئۆپێكا ده‌خلودانی دكه‌

مۆسكۆ پێشنیازا ئۆپێكا ده‌خلودانی دكه‌

رووسیا فه‌ده‌رال پێشنیاز دكه‌، وه‌كه‌ رێخستنا ئۆپێكێ یا هه‌نارده‌كارێن په‌ترۆلێ، رێكخستنه‌ك ژبۆ هه‌نارده‌یێن ده‌خلودانی وه‌ره‌ پێكئانین و زلهێزێن جیهانێ تێده‌ ئه‌ندام بن.

جێگرێ سه‌رۆكێ حكوومه‌تا رووسیا فه‌ده‌رال ژ بۆ كارێن چاندنێ ئالێكسی جۆردیێف دبێژه‌: “مۆسكۆ پێشیناز كریه‌ رێخستنه‌كه‌ ناڤنه‌ته‌وه‌یی ئا مینا رێخستنا ئۆپێكێ یا په‌ترۆلێ، ژ بۆ ده‌خل و دانی وه‌ره‌ ئاڤاكرن و ولاتێن زلهێز ئین جیهانێ تێده‌ ئه‌ندام بن.

رووسیا فه‌ده‌رال ئه‌ڤێ پێشنیازێ دكه‌ كو ئه‌ڤ وه‌لات ب مه‌زنترین هه‌نارده‌كارا گه‌نمی ل ئاستا جیهانێ تێ هه‌ژمارتن.

جێگرێ سه‌رۆكێ حكوومه‌تا رووسیا فه‌ده‌رال كو ل سالا 2009ان وه‌زیرێ چاندنێ بوو، دبێژه‌: رێخستنه‌كه‌ وه‌كه‌ ئۆپێكێ ژ بۆ ده‌خلودانان، دێ كارینا پاراستنا هه‌ڤسه‌نگیا بازارا گه‌نمی هه‌به‌، هه‌ر وها وێ سیاسه‌تا بهاكرنا ده‌خل و دانان رێكبخه.

رووسیا فه‌ده‌رال پێشبینی دكه‌، گه‌ر ئه‌ڤ رێخستن هات ئاڤاكرن، وێ رۆسیایێ، ولاتێن ئه‌ورۆپایێ، ئه‌مه‌ریكا، كه‌نه‌دا و ئه‌رژه‌نتینێ و هه‌ژماره‌كه‌ ولاتان ل خوه‌ گریت.