ب ڤیدیۆ.. بۆردۆمانا تركیێ ل ناڤچه‌یین سڤیل ئێن رۆژئاڤا كوردستانێ

باله‌فرێن تركیێ ئیرۆ ناڤچه‌یێن سڤیلان ل رۆژئاڤا كوردستانێ ئامانج كرن و ترسه‌كه‌ هه‌ری زێده‌ ل جه‌م خه‌لك چێبوویه‌، هه‌سه‌د دبێژه‌: 25 باله‌فرێن تركیێ ل ئاسیمانێ رۆژئاڤا گه‌ریانه‌.

ئێریشا داگیركاری ئا تركیێ ل سه‌ر ناڤچه‌یێن رۆژئاڤا كوردستانی ئێڤارا ئیرۆ ده‌ستپێكر، سه‌رۆكێ تركیێ ره‌جه‌ب ته‌یب ئه‌ردۆگان ناڤێ كانیا ئاشێتیێ ل ئۆپه‌راسیۆنێ كریه‌.

هه‌موه‌ختا ده‌ستپێبوونا ئێریشێ، باله‌فرێن جه‌نگی ئێن تركیێ و تۆپخانێن هێزێن به‌ژاهی گوندێن سه‌رێ كانیێ، گرێ سپی، درباسیێ و هه‌ر وها قامیشلۆیێ بۆردۆمان كرنه‌ و هنه‌ك ناڤه‌ندێن هه‌سه‌دێ بوونه‌ ئامانج.

هێزێن سووریا ده‌مۆكراتیك ئه‌شكه‌ره‌ كر كو 25 باله‌فرێن جه‌نگی به‌شدار ئێریشا داگیركاری ئا تركیێ نه‌ و ل ئاسیمانێ رۆژئاڤا فرین كرنه‌.

هه‌ر وها خوه‌یا كر، باله‌فران ئێڤارا ئیرۆ ب كووراهیا 50 كیلۆمه‌تران د ناڤ خاكا سووریێ ده‌ بۆردۆمان كرنه‌، بۆردۆمان ژی ل ناڤچه‌یێن سڤیلان بوونه‌ و ترسه‌كه‌ هه‌ری زێده‌ ل جه‌م گه‌ل چێبوویه‌.

به‌رده‌ڤكێ هه‌سه‌دێ مسته‌فا بالێ ل هه‌سابا خوه‌ تویته‌رێ پشتراست كریه‌ كو بۆردۆمان ل ناڤچه‌یێن سڤیلان چێبوونه‌.

هه‌موه‌خت مه‌دیا فه‌رمی ئا ده‌وله‌تا سووریێ، ئه‌شكه‌ره‌ كر كو هنه‌ك ته‌قین ل باژاركێ سه‌رێ كانیێ چێبوونه‌ پشتی كو باله‌فرێن تركیێ بۆردۆمان كرین.