ئابوورا ئیرانێ وێ 8.7% داكه‌ڤه‌

به‌نكا ناڤده‌وله‌تی: ئابوورا ئیرانێ وێ 8.7% داكه‌ڤه‌

به‌نكا ناڤده‌وله‌تی ئیرۆ پێشبینی كر، ب سه‌ده‌ما سزا و دۆرپێچا ئه‌مه‌ریكایێ، ئابوورا ئیرانێ ب رێژا 8.7% داكه‌تنێ ب خوه‌ ڤه‌ ببینه‌.

ل گور راپۆره‌كه‌ به‌نكا ناڤده‌وله‌تی، ئابوورا كۆمارا ئیسلامی ئا ئیرانێ وێ د سالا دارایی 2019-2020ان ده‌، داكه‌تنه‌كه‌ هه‌ری زێده‌ ب خوه‌ ڤه‌ ببینه‌، سه‌ده‌ما وێ داكه‌تنێ سزا و دۆرپێچا هه‌ری توند ئا ئه‌مه‌ریكایێ یه‌ ل سه‌ر ته‌هرانێ، تایبه‌ت دۆرپێچا ل سه‌ر سێكته‌را ئه‌نه‌رژیێ.

به‌نكا ناڤده‌وله‌تی هه‌ر وها پێشبینی كر، تومه‌نا ئیرانێ هنه‌كی هێزا خوه‌ ل به‌رانبه‌ر دۆلارێ ئه‌مه‌ریكی و دراڤێن دن ژ ده‌ست بده‌.

به‌نكا ناڤده‌وله‌تی ئه‌ڤ راپۆر ئیرۆ پێنجشه‌می 10/10/2019ان به‌لاڤكر، لێ به‌لێ وه‌زاره‌تا دارایی ئا ئیرانێ تو كۆمێنته‌ك د ده‌ربارا وێ ده‌ نه‌به‌لاڤكر.

ویلایه‌تێن یه‌كبووی ئێن ئه‌مه‌ریكایێ ژ گولانا سالا 2018ان سزا ل سه‌ر ئیرانێ سه‌پاندنه‌، ل مه‌ها چریا دویه‌مین ئا هه‌مان سالێ، پاكێجه‌كه‌ دن سه‌پاند و د ئیسال ده‌ دۆرپێچه‌كه‌ هه‌ری دژوار ل سه‌ر سێكته‌را ئه‌نه‌رژی ئا ئیرانێ سه‌پاند، سه‌رۆكێ ئه‌مه‌ریكا دبێژه‌: “ئامانجا وان زیرۆكرنا ئاستا هه‌نارده‌یێن ئیرانێ ئێن په‌ترۆلێ یه”‌.

پوستێن ھەمان بەش