نرخا په‌ترۆلێ ب 0.66 دۆلاران بلند دبه‌

نرخا په‌ترۆلێ ب 0.66 دۆلاران بلند دبه‌

نرخا په‌ترۆلێ ئێڤارا ئیرۆ ب سه‌ده‌ما پێشده‌چوونا نیقاشا بازرگانی ئا ئه‌مه‌ریكا و چینێ، هنه‌كی بلندبوو.

بازارا سه‌نگاپۆرایێ ئێڤارا ئیرۆ رۆژا سێشه‌می 22/10/2019ان، هنه‌كی بلندبوون د نرخا په‌ترۆلێ ده‌ ته‌سبیت كر، به‌رمیلا برێنتێ ب قاسی 59.62 دۆلاران و ئا رۆژئاڤا تێكساس ب 54.08 دۆلاران ده‌ست نیشان كر.

نرخا په‌ترۆلێ ل گور بازارا ئیرۆ بلندبوویه‌ و ئه‌ڤ بلندبوون سه‌ده‌ما وێ نێزی بوونا ئه‌مه‌ریكا و چینێ یه‌ ژ لهه‌ڤهاتنا ل ده‌ربارا كریزا گۆمركان كو هه‌یاما چه‌ندین مه‌هانه‌ باجێن دژوار ل سه‌ر هه‌ڤ مه‌شاندنه‌.

سه‌رۆكێ ئه‌مه‌ریكایێ دۆنالد ترامپ ل ڤێ ده‌ربارێ ده‌ دبێژه‌: ته‌كۆشینا ب داوی ئانینا جه‌نگا بازرگانی ئا ل گه‌ل چینێ ب باشی برێڤه‌ دچه‌، هه‌موه‌خت چینێ ئیلان كر، ژ به‌ر كو رێزه‌كه‌ هه‌ڤبه‌ش‌ ل ناڤبه‌را ئه‌مه‌ریكا و چینێ ده‌ هه‌یه‌، پسگرێك وێ وه‌ره‌ چاره‌سه‌ر كرن.

پوستێن ھەمان بەش