ل مه‌ها رابووری ئیراقێ ب 6.2 ملیار دۆلارن په‌ترۆل فرۆت

ل مه‌ها رابووری ئیراقێ ب 6.2 ملیار دۆلارن په‌ترۆل فرۆت

وه‌زاره‌تا په‌ترۆلا ئیراقێ ئیرۆ ئه‌شكه‌ره‌ كر، ل مه‌ها رابووری 105 ملیۆن به‌رمیل په‌ترۆل هاتیه‌ فرۆشتن و داهاتێ وێ گهایه،‌ 6.2 ملیار دۆلارێن ئه‌مه‌ریكی.

ل گۆر داخوه‌یانیا وه‌زاره‌تا په‌ترۆلا ئیراقێ، ل مه‌ها رابووری رۆژانه‌ 3.5 ملیۆن به‌رمیل په‌ترۆل بۆ بازارێن جیهانێ هاتنه‌ شاندن، واته‌ 105 ملیۆن به‌رمیل د 30 رۆژان ده‌.

هه‌روه‌ها ده‌ست نیشان كر، ئه‌ڤ په‌ترۆل ژ پالاوگه‌هێن باشوورا ولات، هه‌موخت پالاوگه‌هێن پارێزگه‌ها كه‌ركووكێ ب رێیا به‌نده‌رێن ئوم قه‌سر و به‌نده‌را جه‌یهان یا تركیێ هاتنه‌ شاندن.

وه‌زاره‌تا په‌ترۆلا ئیراقێ ئه‌شكه‌ره‌ كر، یه‌ك به‌رمیل ل سه‌ر ئه‌ساسا 59.8 دۆلاران هاتیه‌ فرۆشتن و گۆت: خوه‌پێشاندانێن ئیراقێ چ زیانه‌ك ب ئاستا هه‌نارده‌یێن رۆژانه‌ نه‌خستیه‌.

ل خوه‌پێشاندانێن رۆژێن رابووری یێن ئیراقێ ب تایبه‌ت یێن پارێزگه‌ها به‌سرایێ، خوه‌پێشانده‌ران بۆ ده‌ما چه‌ند رۆژان رێكێن سه‌ره‌كه‌ و رێكێن سازیێن په‌ترۆلێ داخستبوون، لێ به‌لێ ئیرۆ وه‌زاره‌تا په‌ترۆلێ ته‌سبیت كر كو وان خوه‌پێشاندانان زرار ب ئاستا هه‌نارده‌یان نه‌خستنه‌.