ئابووری چینێ نزمترین ئاست د 30 سالان دا تۆمار کر

ئابووری چینێ نزمترین ئاست د 30 سالان دا تۆمار کر

هەڤرکیا بازرگانی د ناڤبەرا واشنتۆنێ و پەکینێ دا ب سەرەکەترین ئەگەرێ دابەزینا گەشەیا ئابووری یا چینێ تێ زانین.

ئابووریا کۆمارا گەلێ چینێ ل سالا 2019ان دە ب تەنێ 6.1٪ گەشە ب خوە ڤە دیتیە و ئەڤ نزمترین ئاستا گەشەیا ئابووری یا وی ولاتی يە د دەما 30 سالێن رابووری دە. بسپۆرێن ئابوورێ هەڤرکیا بازرگانی یا د ناڤبەرا پەکینێ و واشنتۆنێ ب سەرەکەترین ئەگەر ژ بۆ داکەتنا گەشەیا ئابووری یا چینێ ددن زانین.

ئاژانسێن نووچەیان ل گۆر زانیاریێن ناڤەندا ئامارا ولاتێ چینێ، راگهاندیە کو ئابوورا ڤی ولاتی د سالا 2019ان دە ب رێژەیا 6.1٪ گەشە ب خوە ڤە دیتیە، هەرچەند دبە ئەڤ رێژەیا گەشەیا ئابووری ژ بۆ هنەک ولاتان وەکە خەونەکێ بە، لێ ژ بۆ ولاتەک مینا چینێ ئەڤ یەک وەکە قەیران و کارەسات تێ حه‌ساب كرن.

ل گۆر ئاژانسا نووچەیێن ئەلمانیا ل سالا 2019ان ئاستا گەشەیا ئابووری یا کۆمارا گەلێ چینێ ب همبەر کرن دگەل سالا 2018ان، زێدەتر ژ 0.5٪ داکەتن ب خوە ڤە دیتیە.

ل گۆر زانیاریێن ناڤەندا ئامارێن چینێ، گەشەیا ئابووری یا ڤی ولاتی د سالا 2019ان دە گهایە نزمترین ئاست د دەما 30 سالێن رابووری دە و بسپۆرێن ئابووری گرنگترین ئەگەر ژ بۆ ڤێ داکەتنێ ڤەدگەرینن ژ بۆ هەڤرکیا ئابووری یا دناڤبەرا چینێ و ئەمەریکایێ دە.

هکوومەتا ترامپ ب مەرەما هەڤسەنگکرنا تەرازییا بازرگانی یا ولاتێ خوە دگەل چینێ دە گۆمرک ل سەر سەدان ملیارد دۆلارێن کەلۆپەلێن هاوردەکری یێن ل چینێ دهێن ناڤا ئەمەریکایێ دە زێدە کر.

ل گۆر زانیاریان، بەنکێن چینێ ب مەرەما بلندکرنا ئاستا گەشەیا ئابووری یا ولاتێ خوە د سالا رابووری دە 2.44 تریلیۆن دۆلار قەر دانە بەرهەمهێنەرێن بچووک و ناڤەندی و ئەڤ یەک ژی د دیرۆکا ڤی ولاتی دە بێ هەمپا بوویە.

بەنکا جیهانی پێش نها داکەتنا ئاستا گەشەیا ئابووری یا چینێ پێشبینی کربوو، ئەڤ بەنکە وها تەخمین دکە د سالێن بهێت دە گەشەیا ئابووری یا چینێ وێ داکەتنێ ب خوە ڤە ببینە و بهایێ 5.9٪ بۆ سالا 2020ان و 5.7٪ بۆ سالا 2021ان تەخمین کریە.