په‌ترۆلێ كێمترین بها ژ جه‌نگا كه‌نداڤی تۆمار كرن

په‌ترۆل 50% داكه‌تییه‌

بهایێ په‌ترۆلێ ئه‌ڤرۆ رۆژا پێنجشه‌مبێ داكه‌تنه‌كا دی تۆماركر، پشتی كو ل ڤێ حه‌فتیێ رێژه‌یا سه‌دێ 50% یا بهایێ خوه‌ ژ ده‌ست دای.

په‌ترۆلێ ل سه‌رانسه‌ری جیهانێ ده‌ما چه‌ند رۆژانه‌ رێژه‌یا 50% یا بهایێ خوه‌ ژ ده‌ست دایه‌ و ئیرۆ رۆژا پێنجشه‌مبێ 12/3/2020ێ داكه‌تنه‌كا دی تۆماركر، پشتی كو ئه‌مه‌ریكایێ گه‌شتێن ئاسمانی ل گه‌ل ئه‌ورۆپایێ راگرتین.

ل گۆر بازارێ ئه‌ڤرۆ به‌رمیلا په‌ترۆلا برێنت ب 34.14 دۆلاران و تێكساس ب 31.60 دۆلارانه‌.

ئه‌ڤه‌ ژی كێمترین بهانه‌ ژ جه‌نگا كه‌نداڤی یا سالا 1991ێ دهێته‌ تۆمار كرن.

به‌لاڤبوونا ڤایرۆسا كۆرۆنا كۆڤید-19 ب سه‌ده‌ما سه‌ره‌كی یا داكه‌تنا بهایێ په‌ترۆلێ دهێته‌ هه‌ژمارتن، ئه‌و ڤایرۆسا ب ملیارێن دۆلاران زیان ب ئابوورییا جیهانی ئێخستی.

پوستێن ھەمان بەش