داھاتێ پەترۆلا ئیراقێ 60٪ کێم بوویە

داھاتێ پەترۆلا ئیراقێ 60٪ کێم بوویە

راوێژکارێ دارایی یێ سەرۆک وەزیرێن ئیراقێ، مەزھەر مھەمەد سالح راگەھاند، بھایێ ئێک بەرمیل پەترۆلا ئیراقێ د بازارێن جیھانی دە ژ بۆ کێمتری 30 دۆلاران داکەتییە و ب ڤێ ئەگەرێ داھاتێ فرۆتنا پەترۆلێ ب رێژەیا 60 ژ سەدێ کێم بوویە.

مەزھەر مھەمەد سالح د داخویانیەکێ دا ژ بۆ رۆژنامەیا “ئەلسەباھ” راگەھاند، ب رێکا ھەناردە کرنا پەترۆلێ 98٪ ژ دراڤێ بیانی ل ئیراقێ پێ تێ دابینکرن، ھەروەھا 93٪ ژ داھاتێ بودجەیا گشتییا ئیراقێ ب ڤێ رێکێ دهێتە دابینکرن.

راوێژکارێ دارایی یێ سەرۆک وەزیرێن ئیراقێ، باس ل ڤێ یەکێ ژی کر کو کێم بوونا داھاتێ فرۆتنا نەفتێ، شۆکەک مەزنە ژ بۆ ئیراقێ و ب پێویست زانی کو د نھا دا، زۆر ب عەقلانە سەرەدەری د گەل داھات و خەرجییان دا بهێتە کرن.

دهێتە زانین کو بەلاڤ بوونا ڤایرۆسا کۆرۆنا ل ئیراقێ، کارتێکرنەک راستەوخۆ ل سەر بەرھەمێ خۆمالی و ئابوورییا ئیراقێ کرییە.

ل 24ێ مەھا رابووری ل ئیراقێ ئێکەم حالەتێ تووش بوونا ب ڤایرۆسا کۆرۆنایا نوو ھاتبوو تەسبیت کرن.

پوستێن ھەمان بەش