ئامازۆن دێ 100 هزار کارمەندان دامەزرینیت

ئامازۆن دێ 100 هزار کارمەندان دادەمەزرێنێت

ب سه‌ده‌ما به‌لاڤبوونا ڤایرۆسا كۆرۆنا یا نوو (COVID-19) داخوازییه‌كا یه‌كجار مه‌زن ل سه‌ر مالپه‌رێ بازرگانیێ ئامازۆنێ دروستبوویه‌، له‌وما ئامازۆنێ بریار دایه‌ 100 هزار كارمه‌ندێن نوو دامه‌زرینیت.

جێگرێ یه‌كه‌مێ به‌شا جیهانی یا مالپه‌رێ ئامازۆنێ ده‌یڤ كلارك د راگه‌هاندنه‌كێ دا‌ ئاشكرا كر، ب سه‌ده‌ما به‌لاڤبوونا ڤایرۆسا كۆرۆنایێ، ب ئاوایه‌كێ زێده‌ داخوازی ل سه‌ر بازار كرنا ئه‌لیكترۆنی هه‌یه‌ و ب ڤێ سه‌ده‌مێ ئامازۆنێ پێدڤی ب كارمه‌ندێن زێده‌تر هه‌یه‌.

ده‌یڤ كلارك ئه‌و یه‌ك دیار كر، ژ بۆ دابین كرنا پێدڤیێن بكران، هه‌روه‌ها كۆگه‌هـ و تۆرێن دابه‌شكرنێ، ئه‌و دێ 100 هزار كارمه‌ندێن نوو ب ئاوایێ فۆل تایم و پارت تایم دامه‌زرینن.

ل ده‌ربارا زێده‌كرنا مووچه‌یێن كارمه‌ندێن خوه‌، جێگرێ یه‌كه‌مێ به‌شا جیهانی یا شركه‌تا ئامازۆنێ دیاركر، ژبۆ هه‌ر ده‌مژمێره‌كا كاری، ئه‌و پێتری 2 دۆلاران ل سه‌ر مووچه‌یێن فه‌رمانبه‌رێن خوه‌ زێده‌ بكن.