نرخا په‌ترۆلێ گه‌هشت 28.3 دۆلاران

نرخا په‌ترۆلێ گه‌هشت 28.3 دۆلاران

نرخا په‌ترۆلێ ئیرۆ رۆژا چارشه‌مبێ داكه‌تنه‌كا هه‌ری مه‌زن تۆمار كر و یه‌ك به‌رمیلا په‌ترۆلا برێنت ب قاسی 28 دۆلاران هات فرۆتن و ئه‌ڤ كێمترین بهانه‌ ژ سالا 1991ێ.

ل گۆر بازارێ ئیرۆ رۆژا چارشه‌می 18/3/2020ێ، نرخا په‌ترۆلا برێنت داكه‌تنه‌كا هه‌ری زێده‌ تۆمار كر و یه‌ك به‌رمیلا وێ ب قاسی 28.3 دۆلاران و یه‌ك به‌رمیلا په‌ترۆلا رۆژئاڤا تێكساسێ ب 26.72 دۆلاران.

شاره‌زا ئاماژه‌ دكه‌ن كو ژ به‌ر به‌لاڤبوونا ڤایرۆسا كۆرۆنا یا نوو (كۆڤید-19) كارتێكرنه‌كا مه‌زن ل سه‌ر بهایێن په‌ترۆلێ بوویه‌ و ب ڤێ سه‌ده‌مێ زیان ب ئابوورییا ولاتێن به‌رهه‌مهێنه‌ر كه‌تییه‌.

ل ڤێ ده‌ربارێ دا ئه‌ره‌بستانا سعوودیێ ئه‌شكه‌ره‌ كرییه‌، هه‌ر چه‌ند كو بهایێ په‌ترۆلێ ب رێژه‌یه‌كا زێده‌ داكه‌تییه‌، لێ به‌لێ ئه‌و دێ ل سه‌ر هه‌نارده‌كرن و فرۆتنێ به‌رده‌وام بن.

ل گۆر داوی ئامار كو ئیرۆ رۆژا چارشه‌مبێ به‌لاڤبوویه‌، هه‌تا نها كه‌سێن كو جانێ خوه‌ ب ڤایرۆسا كۆرۆنایێ ل سه‌رانسه‌ری جیهانێ ژ ده‌ست دانه‌، 7 هه‌زار و 991 كه‌سن، هه‌ژمارا تووشبوویان ژی ب ڤایرۆسێ گهشتییه‌ 198 هه‌زار و 971 كه‌سان و هه‌روه‌ها 82 هه‌زار و 799 كه‌س ساخ بوونه‌.

پوستێن ھەمان بەش