ب سه‌ده‌ما كۆرۆنایێ TOYOTA و BMW به‌رهه‌م راوه‌ستاندن

ب سه‌ده‌ما كۆرۆنایێ TOYOTA و BMW به‌رهه‌م راوه‌ستاندن

هه‌ردو كۆمپانیێن به‌رهه‌مئینانا ترومبێلان TOYOTA و BMW ب سه‌ده‌ما به‌لاڤبوونا ڤایرۆسا كۆرۆنا یا نوو (كۆڤید-19) به‌رهه‌مئینان ل ئه‌ورۆپایێ راگرت.

كۆمپانییا TOYOTA راگه‌هاند كو ب سه‌ده‌ما به‌لاڤبوونا زێده‌تر یا ڤایرۆسا كۆرۆنایێ ل ئه‌ورۆپایێ، كارتێكرنه‌كا نه‌رێنی ل كه‌رتا ئابووریێ و ژیانا جڤاكی هاتییه‌، له‌وما پلانا ده‌م كورت یا فروتنا ترومبێلان ل ئه‌ورۆپایێ ئێدی نه‌زه‌لاله‌ و كێشه‌ ل سه‌ر داخوازیێ چێبووینه‌.

هه‌روه‌ها ده‌ست نیشان كر كو ژ بۆ پاراستنا سلامه‌تییا كارمه‌ندێن كۆمپانیێ، ژ ئیرۆ و قۆناغ ب قۆناغ، به‌رهه‌مئینانا ترومبێلان، مۆتۆر و گێربۆكسان دێ هێته‌ راگرتن.

كۆمپانییا BMW ژی ئه‌شكه‌ره‌ كرییه‌، ب سه‌ده‌ما به‌لاڤبوونا ڤایرۆسا كۆرۆنایێ به‌رهه‌مئینانا ترومبێلان ل ئه‌ورۆپا و باشوورێ ئه‌فریكایێ هه‌تا 19 نیسانا ئیسالێ دێ هێته‌ راگرتن.

پوستێن ھەمان بەش