نرخا په‌ترۆلێ ژبه‌ر ڤێ سه‌ده‌مێ 10% بلند دبه‌

نرخا په‌ترۆلێ ئیرۆ ل گه‌ل ده‌ست پێ كرنا جڤینا رێخستنا ئۆپێكێ یا هه‌نارده‌كاران ب رێژه‌یا 10% بلند بوو و ژ ئاستا 35 دۆلاران ده‌رباز بوو.

رێخستنا ئۆپێك یا هه‌نارده‌كارێن په‌ترۆلێ، ئیرۆ رۆژا پێنجشه‌می 9-4-2020ێ ل گه‌ل هه‌ژماره‌كه‌ دن یا وه‌لاتێن به‌رهه‌مهێنه‌ر جڤینه‌كا ڤیدیۆ كۆنفه‌رانس ساز كر ژ بۆ كو گۆتوبێژا سه‌ده‌مێن داكه‌تنا نرخا په‌ترۆلێ و رێكارێن سینۆردار كرنا به‌رهه‌مان بكن.

هه‌ر ل گه‌ل ده‌ست پێ كرنا جڤینێ، نرخا په‌ترۆلێ بلند بوو و یه‌ك به‌رمیلا په‌ترۆلا برێنتێ گهیشت 35 دۆلار و 50 سه‌نتان.

هه‌موه‌خت یه‌ك به‌رمیلا په‌ترۆلا رۆژئاڤا تێكساسێ ب قاسی 27 دۆلار و 51 سه‌نتان د بازاران ده‌ هات فرۆتن، ب ئاوایه‌كی گشتی ئه‌ڤ به‌رزبوونا ئیرۆ یا نرخێن په‌ترۆلێ، ب رێژه‌یا 10% تێ خه‌ملاندن.

ل گه‌ل ده‌ست پێ كرنا كریزا دارایی یا كو ڤیرۆسا كۆرۆنایێ چێكری، نرخا په‌ترۆلێ ده‌ست ب داكه‌تنێ كر، لێ به‌لێ داكه‌تنا هه‌ری زێده‌ یا رۆژێن رابووری ب سه‌ده‌ما زێده‌كرنا به‌رهه‌ما ئه‌ره‌بستانا سعوودیێ هات كو دخوه‌ست ب ڤێ رێكێ په‌یامه‌كێ ژ بۆ رووسیا فه‌ده‌رال بشینه‌ و ژێره‌ بێژیت كو كۆنترۆلا بازارا په‌ترۆلێ د ده‌ست وێ ده‌یه‌ نه‌ك مۆسكۆیێ.