سه‌رۆكێ ویلایه‌تێن یه‌كبوویی یێن ئه‌مه‌ریكایێ، ئیرۆ ئه‌شكه‌ره كر كو داكه‌تنا نرخا په‌ترۆلا رۆژئاڤا تێكساسێ، ده‌مكی یه و جاره‌كه دێ ئه‌ڤ نرخ وێ ئاسایی ببن.
دۆنالد ترامپ، ئیرۆ رۆژا سێشه‌می 21/4/2020ێ ل ده‌ربارا داكه‌تنا مه‌زن یا نرخا په‌ترۆلێ داخوه‌یانی دا و ده‌ست نیشان كر، ب سه‌ده‌ما كو د ڤێ ره‌وشێ ده ئه‌ره‌به ژ به‌ر رێكارێن قه‌ده‌غێ ل ولاتان ب كار ناهێن و پرانییا فابریكه‌یان داخستی نه، په‌ترۆلێ د بازاران ده كۆم بوویه و داخوازی ل سه‌ر تونه‌یه.
سه‌رۆكێ ئه‌مه‌ریكایێ دبێژه: «ئه‌ڤ داكه‌تنه ده‌مكی یه و ل وه‌خته‌كا نێزیك وێ ره‌وش ئاسایی ببه و نرخا په‌ترۆلێ ڤه‌گه‌ره ره‌وشا جاران».
ب نه‌رینا سه‌رۆكێ ئه‌مه‌ریكایێ، د وه‌ختا مه‌هه‌كا دن ده، نرخا په‌ترۆلێ وێ جاره‌كه دن ئاسایی ببه و ل نێڤبه‌را 25 هه‌یا 28 دۆلاران جێگیر ببه.
دوهـ رۆژا دوشه‌می 20/4/2020ێ نرخا په‌ترۆلێ داكه‌تنه‌كا دیرۆكی تۆمار كر وه‌ختا كو ل ژێر سفرێ كرین و فرۆشتن پێ هاته كرن، بسپۆرێن ئابوورییا جیهانێ ل وێ باوه‌رێ نه كو ئه‌ڤ ره‌وش ب سه‌ده‌ما به‌لاڤبوونا ڤایرۆسا كۆرۆنا یا نوو (كۆڤید-19) ده‌ركه‌تییه.
