ئۆپێك دبێژیت د نیڤا دووێ یا ئه‌ڤساله‌ دا قه‌یرانا دارایی نامینیت

ئۆپێك دبێژیت د نیڤا دووێ یا ئه‌ڤساله‌ دا قه‌یرانا دارایی نامینیت

رێخستنا ئۆپێكێ یا هه‌نارده‌كارێن په‌ترۆلێ، ئیرۆ ئه‌شكه‌ره‌ كر، ئه‌و پێشبینی دكن نرخا په‌ترۆلێ د نیڤا دووه‌م یا ئیسالێ ده،‌ بگه‌هه‌ 40 دۆلارێن ئه‌مه‌ریكی.

محه‌مه‌د عه‌رقاب، سه‌رۆكێ خۆلا نها یا رێخستنا ئۆپێكێ، ئیرۆ رۆژا یه‌كشه‌می 26/4/2020ێ داخویانی ل ده‌ربارا داكه‌تنا نرخا په‌ترۆلێ و كریزا كو ژ سه‌ده‌ما به‌لاڤبوونا ڤایرۆسا كۆرۆنایێ چێبوویه‌ دا و ئه‌شكه‌ره‌ كر كو ئه‌وان پێشبینی هه‌نه‌، د نیڤا دووه‌م یا ئیسالێ ده‌، نرخا په‌ترۆلێ بگه‌هه‌ ئاستا 40 دۆلارین ئه‌مه‌ریكی.

سه‌رۆكێ ئۆپێكێ دبێژه‌: «هه‌موه‌خت ل گه‌ل ده‌ست پێ كرنا جێبه‌جێكرنا لهه‌ڤهاتنا ئۆپێك+، نرخا په‌ترۆلێ دێ ده‌ست ب بلندبوونێ بكه‌ت و د ده‌مه‌كێ هه‌ری كێم ده‌، نرخ دێ جاره‌كه‌ دن ئاسایی ببن».

هه‌روه‌ها ده‌ست نیشان كر، ل گۆر پێشبینیێن ئۆپێكێ، نرخا یه‌ك به‌رمیلا په‌ترۆلێ ل مه‌هێن گولان و خزیرانێ دێ بگه‌هن ئاستا 35 دۆلاران و پشتره‌ دێ ل ئاستا 40 دۆلاران ته‌سبیت بن.

رێخستنا ئۆپێكێ ل گه‌ل رووسیا فه‌ده‌رال و هنه‌ك وه‌لاتێن دن یێن نه‌ئه‌ندام، ل 12 ڤێ مه‌هێ لهه‌ڤهاتنا ئۆپێك+ ئیمزه‌ كر و ل گۆر وێ رۆژانه‌ دێ 9.7 ملیۆن به‌رمیل ژ بازاران هێن كێم كرن.

پوستێن ھەمان بەش