به‌نكا ناڤده‌وله‌تی: سورپرایزه‌ك ل به‌ندا ولاتێن په‌ترۆلێ یه‌

به‌نكا ناڤده‌وله‌تی: سورپرایزه‌ك ل به‌ندا ولاتێن په‌ترۆلێ یه‌

به‌نكا ناڤده‌وله‌تی ئیرۆ ئه‌شكه‌ره‌ كر، زیانێن ڤیرۆسا (كۆڤید-19)ێ ل سه‌ر سێكته‌رێن ئابووری یێن وه‌لاتێن رۆژهلاتا ناڤین دێ د دووم درێژ بن.

ئاژانسا رۆیته‌رزێ ئیرۆ ژ هنه‌ك چاڤكانیێن به‌نكا ناڤده‌وله‌تی به‌لاڤ كرییه‌ كو زیانێن ڤیرۆسا كۆرۆنا یا نوو (كۆڤید-19) ێ ل سه‌ر وه‌لاتێن د قادا پێگه‌هشتنێ دا و ولاتێن رۆژهلاتا ناڤین، دێ گه‌له‌ك مه‌زن و دژوار بن و ئه‌ڤ زیان دێ بۆ ده‌مه‌كا درێژ بمینن.

هه‌روه‌ها ده‌ست نیشان كر، زیانێن هه‌ری مه‌زن دێ ب وان وه‌لاتان كه‌ڤن ئه‌وێن پشت به‌ستنێ ل سه‌ر په‌ترۆلێ دكن.

به‌نكا ناڤده‌وله‌تی، ل ده‌ربارا زیانێن كۆڤیدێ، راپۆره‌ك ب ناڤێ «ئاسۆیێن ئابوورییا جیهانێ» ئاماده‌ كرییه‌ و د ئه‌نه‌لیستا راپۆرێ دا ئاماژه‌ دكه‌ت كو ولاتێن رۆژهلاتا ناڤین دێ مه‌زنترین زیانێ بینن.

د به‌شه‌كێ دن یێ راپۆرێ دا ب ژماره‌ باس كرییه‌ كو ئه‌ڤ ولات دێ 11% یا به‌رهه‌ما خوه‌ ژ ده‌ست بدن.