لیره‌یێ تركی ل هه‌رێمێن رۆژئاڤا تێ فه‌رز كرن

لیره‌یێ تركی ل هه‌رێمێ رۆژئاڤا تێ فه‌رز كرن

ده‌وله‌تا داگیركه‌ر یا تركیێ ل هنه‌ك هه‌رێمێن رۆژئاڤا كوردستانێ بكارئانینا لیره‌یێ تركی فه‌رز دكه‌ و گه‌لێ ناڤچه‌یێ خوه‌پیشاندان ژبه‌ر ڤێ یه‌كێ و هه‌روها بوهابوونا نرخا نانی ل دارخستن.

چاڤکانیێن پێگه‌ها «داركا مازی ل رۆژئاڤا كوردستانێ» ئه‌شكه‌ره‌ كرن، ل باژارۆکێ بەزا یێ ل گوندەوارێ باکورێ رۆژھلاتێ باژارێ بابێ، ل ھەمبەر بوھابوونا نرخا نان و فرۆتنا وێ ب لیرەیا ترکیێ خوەپێشاندانەک هات ل دار خستن.

ھەر لیرەیەکە ترکیێ ب 400 لیرەیا سووریێ یه‌، لێ ئه‌ڤ بوها نه‌ جێگیره‌، ھەر تم رادبە و دادکەڤە، ئەو ژی دیار دبە کو بوھایا نان ل ھەرێمێن داگیرکری ته‌سبیت نابه‌.

 ل گۆری چاڤکانیێن ژ باژارێ بابێ، گەر یەک بخوازە نان بکرە، ئەو نەچارە ب لیرەیا ترکیێ بکرە و لیرەیا سووریێ نایێ قەبوولکرن.

گه‌لێ باژارۆکێ بەزا د 3 گولانا رابووری دە داکەتبوون کۆلانان، ژ بەر نرخا نان ب 350 لیرەیێن سووریێ بوو، لێ نھا پشتی دەرباسبوونا پێتری مه‌هه‌كێ بوھا گهیشتییه‌ 400 لیرەیان، لێ تەنێ کرین و فرۆتن ب لیرەیا ترکیێ یە.

دەولەتا ترکیێ یا داگیرکەر ب ھنجەتا ھلوەشینا نرخا لیرەیا سووریێ، پەرەیێ خوە ل ھەرێمێن داگیرکەری یێن رۆژئاڤا فەرز کرییە.