گەنەرال حەفتەر شەرت ژ بۆ دوبارە شاندنا پەترۆلا لیبیایێ دانان

گەنەرال حەفتەر شەرت ژ بۆ دوبارە شاندنا پەترۆلا لیبیایێ دانان

هێزێن ب ناڤێ ئارتەشا نەتەوه‌یی یا لیبیایێ، ب فەرماندارییا گەنەرال حەفتەر ژ بۆ دوبارە شاندنا پەترۆلا لیبیایێ بۆ بازارێن جیهانێ، شەرت دانان و راگهاند هەیا کو ئەڤ شەرتە نەهێن ب جی کرن، پەترۆلا لیبیایێ وێ نەما بگەهە بازارێن جیهانێ.

سازیا نەتەوه‌یی ئا پەترۆلا لیبیایێ، رۆژا ئەینی یا دەرباس بوویی داخوەیانیەک بەلاڤ کر و تێدە راگهاندبوو: «هەموو ئاستەنگێن ل همبەر شاندنا پەترۆلا ولات هاتنە راکرن و یەکەمین بارێ پەترۆلێ ژ بەندەرا سدرە بەر ب دەرڤەی لیبیایێ هاتیە شاندن».

هه‌موه‌خت حکوومەتا ویفاق کو ب دژبەرێن گەنەرال حەفتەر تێن ناس کرن و هنەک ولاتێن دن یێن هەرێمی و ناڤدەولەتی پێشوازی ل ڤێ مژارێ کر.

بەردەڤکێ ئارتێشا نشتمانییا لیبیایی، د بەرسڤدایینا ژ نوو ڤە ڤەگەرا چالاکیێن پەترۆلێ دە راگھاند، ھه‌ناردە کرنا پەترۆلێ د نها دە ئا تایبەتە ب بەرھەم ئانینێ کو پێش داخستنا بەندەرێن هەناردە کرنا پەترۆلێ د عەمباران دە مانە، لێ بەلێ ئەڤ کار د وارێ هەڤکاری دگەل جڤاکا جیهانی و ولاتێن دۆست دە یە کو خواستییە جار دن هەناردە کرنا پەترۆلا لیبیایێ بێ ئەنجام دایین.

«ھەیڤا پەترۆلێ» یا لیبیایی ناڤچەیەکە کو پرانییا بیر و تەسیسێن نەفتا وی وەلاتی لێ ھەنە و ژ ھێلا ھێزێن حەفتەر ڤە تێ کۆنترۆلکرن.

 ب دەست پێ کرنا شەرێ ناڤخوە یی یێ لیبیایێ، ھه‌ناردە کرنا نەفتا وی وەلاتی سەکنی، ژ بەر کو داھاتێن نەفتێ د ھەسابێ بانکا ناڤەندییا لیبیایی دە ل تەرابلۆسێ دھاتە دانین داکو ل سەر هەموو ھەموەلاتیێن لیبیایێ وەرە بەلاڤ کرن.

 حەفتەر دبێژە: دبە کو بەشەک گرینگ ژ وێ داھاتێ ژ بۆ تێچوونێن لەشکەری یێن دەولەتا ویفاق ئا نەتەوه‌یی دهێن مەزاختن ژبەر ڤێ یەکێ ل 18/1/2020ان رێ ل همبەر فرۆشتنا پەترۆلا لیبیایێ گرت.

سەرئه‌رکانێ گشتی ئەحمەد ئال مسماری دیار کر، گرتنا بیرێن پەترۆلێ و بەندەران دێ بەردەوام بە ھەیا کو داخواز و مەرجێن گەلێن لیبیایی بێنە ب جی ئانین.

وی ل دەربارێ ڤان شەرتان دە گۆت: «دڤێ ھەسابەک بانکی ل یەک ژ وەلاتێن جیھانێ وەرە ڤەکرن دا کو داھاتێن نەفتێ یێن لیبیایی ژ وێ ھەسابێ رە ڤەگوھێزن».

ھەر وەھا، دڤێ رێیەک زەلال و روهن وەرە دامەزراندن دا کو ب ڤێ رێکێ دراڤێ ژ فرۆشتنا نەفتێ ب دەست تێ ب ئاوایەک هەڤسەنگ ل سەر تەڤاھییا وەلاتیێن لبیایێ ل سەرانسەرێ ولات وەرە بەلاڤ کرن، ھەر چەند دڤێ د ڤی واری دە گارانتیێن ناڤدەولەتی ژی ھەبن.

ئەحمەد ئەل مسماری لێ زێدە کر، گەرەک گارانتی وەرە دایین کو داھاتا نەفتێ ژ بۆ کرێگرتی و کۆمێن تەرۆریستی نەهێ مەزاختن، و تەنێ گەلێ لیبیایێ دڤێ ژ ڤان داھاتان سوود وەربگرە.

پوستێن ھەمان بەش