ببهاترین پاره‌یێ كانزایی ل جیهانێ تێ فرۆتن

ببهاترین پاره‌یێ كانزایی ل جیهانێ تێ فرۆتن

ل 8 مه‌ها ئۆكتۆبه‌را ئیسالێ، ببهاترین پارچه‌ پاره‌یێ كانزایی كو دۆلاره‌كێ زیڤی یه‌، د مه‌زاده‌كێ دا‌ بهێته‌ فرۆتن، ل سالا 2013ان ئه‌ڤ پارچه‌ ب ملیۆنێن دۆلاران هاتبوو فرۆتن.

ل گۆر تۆرا مه‌دیایی یا CNNێ، ل رۆژا 8/10/2020ان، پارچه‌ په‌ره‌یه‌كێ ده‌گمه‌ن یێ كانزایی دێ هێته‌ فرۆتن كو ئه‌و ژی دۆلاره‌كه‌ ژ كانزایێ زیڤی ل سالا 1794ان هاتییه‌ چێكرن، ئه‌ڤ دۆلاره‌ ل سالا 2013ان ب كوژمێ 10 ملیۆن دۆلاران هاتبوو فرۆتن.

رێكخه‌رێن ڤێ مه‌زادێ پێشبینی دكه‌ن، بهایێ ڤێ پارچه‌یا كانزایی پێتر لێ بهێت.

دێمێ ژنه‌كێ ل سه‌ر ئاله‌كێ وی دۆلارێ زیڤی تێ دیتن كو ب ئاوایێ خوه‌داوه‌نده‌كا كه‌ڤنار ئا یه‌ونانستانێ یه‌ و ب رامانا ئازادیێ ل سه‌ر هاتییه‌ نه‌خشاندن، هه‌موه‌خت ئه‌ڤ ب یه‌كه‌م پارچه‌یا پاره‌ی یا كانزایی تێ هه‌ژمارتن كو ل ئه‌مه‌ریكایێ ل سه‌ر ده‌ما جۆرج واشنتۆن هاتییه‌ چێكرن.

ببهاترین پاره‌یێ كانزایی ل جیهانێ تێ فرۆتنل وێ ده‌مێ ته‌نێ 1785 پارچه‌ ژێ هاتنه‌ چێكرن، هه‌یا نها ته‌نێ 130 پارچه‌ ژێ مانه‌.

ئه‌ڤ پارچه‌ دهاتنه‌ چێكرن نه‌ ژ بۆ خه‌لكێ ئاسایی كو كالایێن خوه‌ پێ بكرن، لێ به‌لێ ژ بۆ كۆنگرێسمه‌ن و ته‌خه‌كا ده‌ست نیشان كری یا هه‌مولاتییان دهاتنه‌ چێكرن، ژ به‌ركو ل وێ ده‌مێ ئه‌مه‌ریكا د قه‌یرانا كێمییا كانزایێن گران بها دا بوو، ئه‌و قه‌یرانا ب سه‌ده‌ما شه‌رێ سه‌رخوه‌بوونێ ب سه‌ر دا هاتی و هه‌روها ئه‌ڤ پارچه‌ وه‌كه‌ هێمایه‌ك ژ بۆ ڤێ ده‌وله‌تا گه‌نج هاتبوو چێكرن.