کۆمیتا ده‌ستپاكیێ یا پارلمه‌نا ئیراقێ كوژمێ دراڤێ ئیراقێ كو ب قاچاغی بۆ ده‌رڤه‌ی وه‌لات هاتییه شاندن ئه‌شكه‌ره كر و گۆت كو نێزی 350 ترلیۆن دیناران كو دبه 239.7 میلیار دۆلار هاتنه دزین و بۆ ده‌رڤه چوونه.
ئه‌ندامێ كۆمیتا ده‌ستپاكیێ ته‌ها دیفاعی ئه‌ڤ یێك ئیرۆ رۆژا دووشه‌می 4/1/2020ان ژ بۆ ئاژانسا نووچه‌یێن ئیراقێ ئه‌شكه‌ره كر، ناڤبووری گۆتییه: ژ هێلا هه‌ژماره‌كه كاربده‌ستێن ئیراقێ، ب سه‌دان میلیار دۆلار ژ دراڤێ ئیراقێ هاتییه تالان كرن و بۆ ده‌رڤه وه‌لات هاتییه شاندن.
هه‌روه‌ها ده‌ست نیشان كر، د چه‌ند سالێن رابووری ده، 239.7 میلیار دۆلار دراڤێ ئیراقێ ب رێكێن قاچاغ ژ هێلا وان كاربده‌ستان ڤه هاتنه دزین و بۆ ده‌رڤه‌ی وه‌لات هاتنه شاندن، ئه‌ڤ كوژمه دبه پێتری بودجه‌یا دوو سالان یا ئیراقێ، لێ به‌لێ كوژمێ دراڤێ ئیراقێ یێ كو پاش سالا 2003ان هاتیین تالان كرن و بۆ ده‌رڤه هاتییه شاندن ب 685 میلیار دۆلاران تێ ته‌خمین كرن.
ل گۆری كۆمیتا ده‌ستپاكیێ حکوومەتێ کۆمیتەیەک ل دژی گەندەلیێ دامەزراند و ئەڤ کۆمیتە د رۆژێن یەکەم دە ب رەنگەک زەلال و بەربچاڤ خەبتی، پشتره پاشدە ڤەکشیا ژ بەر زەختا سیاسی.
