ل2020ێ به‌ختێ ده‌وله‌مه‌ندێن جیهانێ پر سپی بوو

ل2020ێ به‌ختێ ده‌وله‌مه‌ندێن جیهانێ پر سپی بوو

ده‌وله‌مه‌ندێن جیهانێ كارین د سالا رابووری ده‌، كریزا كۆرۆنایێ د به‌رژه‌وه‌ندییا خوه‌ ده‌ بشكێنن، به‌ختێ وان سپی بوو و وان 7.6 ترلیۆن دۆلار ل سه‌ر سامانێ خوه‌ زێده‌ كرن.

د دەمەکێ دە کو ڤیرۆسا كۆرۆنا سەروبن ئابوورییا جیھانی هه‌ده‌ف كر، ڤێ یەکێ باندۆر ل سەر بەختێ دەولەمەندێن جیھانێ نەکر، یێن کو کارین کریزا كۆرۆنا ژ بۆ بەرژەوەندییا خوە بکار بینن، د سالا 2020ان دە، ل جیھانێ زێدەیی 2.200 میلیاردێر ل گۆری تەخمینێن کۆڤارا فۆربەس، 7.6 تریلیۆن دۆلار ل سه‌ر سەروەتا خوە زێده‌ كرن.

ده‌ست نیشان كر، ژ ڤی دراڤی ده‌وله‌مه‌ندێن جیهانێ 1.9 ترلیۆن دۆلار قازانج كرنه‌.

ل گۆر وێ لیستا كو د رۆژا یه‌كه‌م یا سالا 2012ان ده‌ هاتییه‌ نوو كرن، سه‌روه‌تا كه‌سێن كو چوونه‌ د رێزا ملیاردێران ده‌ ل سالا 2020ان، ژ % 31 زێده‌ بوویه‌، ئه‌ڤ ژی بلندترین رێژه‌یه‌ د ده‌ما 5 سالێن رابووری ده‌.

پێنج ناڤێن یه‌كه‌م یێن لیستا خوه‌دیێن پێتری 100 میلیار دۆلاران ب ڤی ئاوایی یه‌:

  • جێف بێزۆس دامه‌زرێنه‌رێ ئامازۆنێ 190 میلیار دۆلار.

  • ئیلۆن ماسك، برێڤه‌برێ تێسلا و سپه‌یس ئێكس، 170 میلیار دۆلار‌.

  • بێل گه‌یتس، دامه‌زرێنه‌رێ مایكرۆسۆفت 132 میلیار دۆلار.

  • بێرنارد ئارنۆ، بازرگانێ فره‌نسی 114 میلیار دۆلار.

  • مارک زوکەربێرگ، دامەزرێنەرێ فەیسبووک 104 میلیار دۆلار.

پوستێن ھەمان بەش