بهایێ دۆلاری ل همبەر لیرەیێ ترکیێ زێدە بوو

بهایێ دۆلاری ل همبەر لیرەیێ ترکیێ زێدە بوو

 دۆلارێ ئامەریکی ل ھەمبەرێ لیرەیێ ترکی جارەکا دی زێدە بوو و ئەڤرۆ دۆلارەکی ئامەریکی گھیشتە 8.36 لیرەیێن ترکی.

ئاژانسا رویتەرسێ ل سەر بلندبوونا بهایێ دۆلاری شرۆڤەیەک بەلاڤ کر و تێدا راگھاند کو یەک ژ سەدەمێن وێ بەندەواریا بۆ 24ێ نیسانێ یا کۆمکوژیا ئەرمەنیانە کو دهێتە چاڤەرێکرن سەرۆکێ ئامەریکا جۆ بایدن پەیڤا “کۆمکوژیا ئەرمەنیا ب دەستێ عۆسمانیان” بکار بینیت.

ھەروھا ھاتیە دیارکرن کو دبیت ئەڤ داخویانیا بایدن ل 24ێ نیسانێ پەیوەندیێن ئەنقەرە و واشنگتۆنێ خراب بکەت و ژ بەر وێ ژی بوویە سەدەما بلندبوونا بهایێ دۆلاری.

رویتەرس سەدەما دویەم ژی ژ بۆ داخویانیا سەرۆک کۆمارێ ترکیا ئەردۆگان یا رۆژا شەمبیا بۆری کو تێدا گۆتبوو، ئەو دشێن نەختینەیا دۆلارێن بانکا ناڤەندی جارەکا دی بفرۆشن ژی فشارەک ل سەر لیرەیێ ترکی چێکریە و بوویە سەدەما بلندبوونا بهایێ دۆلاری.

پوستێن ھەمان بەش