شاخا پارتیا عەبدوللا «پەکەکێ» ل کوردستانا سووریێ – «6»

pyd-pkk-rojava-6
  • ماھر حەسەن

ڤێ جارێ ئەزێ بەحسا رادەستکرنا ناڤچەیێن کوردی ژ لایێ رێژیما سووریێ بۆ دەستێ پەکەکێ بکم. دێ ھەر تشت ل گۆری دیرۆکا دەرخستنا بریارنامەیێ و ھەژمارا بریارێ هێتە بەلگەکرن. ژ ھەڤاھەنگیا د ناڤبەرا ھێزێن رەژیمێ و چەکدارێن پەکەکێ دا ژ بۆ تاسفیەکرنا سەرکردەیێن ناڤدارێن تەڤگەرا کوردی و ژ بۆ ئاڤاکرنا شاخێ پەکەکێ ل کوردستانا سووریێ (یەپەگێ) و کۆنترۆلکرن و بداویکرنا شۆرەشێ. ژ بلی رادەستکرنا دەریێن سینۆری، ب تایبەتی لگەل ھەرێما کوردستانا ئیراقێ، ژ بۆ شۆپاندنا دژبەران و رادەستکرنا وان بۆ رێژیما سووریا و ھم ژ بۆ راپۆرێن رۆژانە پێشکێشی بەشا ئیستخباراتا سووریێ بکن.

بریارا یەکەم د سالا 2012ێ دا پشتی دەرکەتنا چرووسکا شۆرەشێ ل ھەرێمێن کوردی ب ژمارە 5/2784/ ھات دەرخستن، کو رێ ددە کۆمەک چەکدارێن پەکەکێ (150 چەکدار) کو دەرباسی ناڤ خاکا سووریێ ببن و ھەماھەنگیێ لگەل بکن ژ بۆی دەرباسبوونا وان ب رەنگەکێ ھێسان و ئەولەکاریا وان بهێتە دابینکرن و ئەڤ گرووپا پەکەکێ بەر ب کامپێن پەروەردەھیێ بهێتە ڤەگوهاستن.

د ھەمان سالێ دا، ژ بەرپرسێن پەیەدێ ھات خوەستن کو ھەر لەشکەرەکێ کو ھەول ددە برەڤە، رادەست بکن، و ل گۆری بریارا ژمارە 1/1830/ یا رێڤەبەرێ ئیستخبارات و ئیدارەیا گشتی ل سووریێ و ھەر یەک بێتە رادەستکرن ب نەرخێ 250،000 لەیرەیێن سووریێ.

د 25/7/2012ێ کۆمەک ژ پەکەکەییان ژ بۆ ئالیکاریا لەشکەرێ سووریێ بەر ب باژارێ حەلەبێ ھات شاندن. د بن ھەژمارا بریارا 15987/ م ل ق

د سالا 2012ێ دا ژ بۆ شاخا 330 یا ئستخباراتا سووریا نامەیەک ھات رێ کرن کو پەیوەندی د گەل پەیەدێ بێتە کرن و چار کەسێن زانا دەستنیشان بکن ژ بۆ تەڕۆرکرنا ئەندام و سەرکردەیێن تەڤگەرا کوردی ئەو ژی د بن ھەژمارا بریارا /17110/4 ھاتە شاندن.

نامەیەک دن ژ شاخا 280 یا ئیستخباراتێ ژ بۆ شاخا 330ێ یا ل حەسەکێ ھات شاندن، تێ دا شیفرەیەک ( پاسسوۆرد) ژ بۆ گرتنا لەشکەرێن رەڤیای بۆ ھەرێما کوردستانێ، ب ھەڤکاریا پارتیا یەکیتیا دەمۆکرات (پەیەدێ) هەیە، ھەژمارا نامێ /9132/1. ئەڤ یەک ل سەر بنگەھا بریارا ئەولەکاریا نەتەوەیی یا ھەژمارا 4663 سالا 2012/3/٠6

ئەڤ گۆتار ب تایبەت بۆ دارکا مازیە

ب وێنە :

پوستێن ھەمان بەش