شاخا پارتیا عه‌بدوللا «په‌كه‌كێ» ل کوردستانا سووریێ – «7»

pyd-pkk-rojava-7
  • ماهر حەسەن

پرسگرێکا بنگەهین ئەڤە کو مرۆڤ سیاسه‌تێ ل گۆری خوە و بێی كو باندۆرا وێ ببینە بدە مەشاندن؟ گۆتنا «باکور- رۆژهلاتێ سووریێ» تێرا راڤەکرنا راستیا «کوردستانا سووریێ» ناکە و ئەڤ پەیڤێن بیانی ب گشتی دبنه‌ سەدەما لاوازی، بێهێڤیبوون و تێکچوونا کوردان، ب گۆتنەکە زەلال، مرۆڤ دکارە راستیا کوردستانا سووریێ – وەکی بەشەک ژ دەستهلاتداریا دەولەتا سووریێ پێناسە بکە.

لێ گەلۆ ژ بۆ کو په‌كه‌كه‌ کوردستانا سووریێ ب ناڤ و دەنگ بکە ئەڤ پۆلیتیکا بێی فکر و تێگهشتن مەشاند؟ ل ڤر پێویستە جوداهی د نێڤبەرا تێگەهـ و جەوهەرا ناڤێن وەکە «رۆژئاڤا، باکور – رۆژهلاتێ سووریێ، هێزێن سووریەیا دەمۆکراتیک» دە بێ کرن، هەر وها شیرۆڤەکرن و تێگهیشتنا راستیا کوردستانا سووریێ ژ هەڤ بێن جوداکرن، یاکو په‌كه‌كه‌ ئیرۆ ل کوردستانا سووریێ دکە ئەڤە: ناڤێ وێ ئێدی کریە رۆژئاڤا بێی کو چ واتەیا گۆتنا رۆژئاڤا ژی هەبە.

دەما ئەم دبێژن کوردستانا سووریێ تێ واتەیا کو پارچەیەک ژ کوردستانا مە دەولەتا سووریێ داگیرکەر کریە

ل گەل نیەتا تێگەها باکور – رۆژهلاتێ سووریێ، نەمومکنە کو بگه‌هین مافێن رەوا، په‌كه‌كه‌ کو ل گۆری هن بەرژەوەندیان تەڤدگەرە، وێ ژ بۆ لهەڤکرن و رازیبوونا پێکهاتەیان، گوند و زەڤیێن نشتەجیهـ و چاندنیێ ل هەرێمێن کوردستانا سووریێ دەستەسەر کرن و ناڤێ وان کرنە باکور و رۆژهلاتێ سووریێ و عەشیرێن عەرەبان وەکە بەشەکی پیلانا گوهەرتنا دەمۆگرافی و ژ بۆ بداویکرنا مافێن کوردان پاراستن.

راستیا کو نایێ گوهەرتن ئەڤە: په‌كه‌كێ زێدەتر ژ 11 هەزار شەهیدان د بن درویشمەیێن کوردایەتیێ دە ژ بۆ پەژراندنا یاسایی و دەستووری یا ڤێ سیاسەتا خوە پێشکێش کرن، پشترە په‌كه‌كێ ناڤێ ده‌ڤه‌را مە گوهارت و گۆتنا کوردستان ئێدی نەما تێ ب کارئانین.

پەیڤێن په‌كه‌كێ «باکورێ رۆژهلاتێ سووریێ» – تێگهیشتنەکا دەرەوین چێدکە، کو پەژراندنا هەبوونا کوردستانا سووریێ زه‌حمەت دکە و ب ڤی ئاوایی باندۆرێ ل رەفتارێن رەژیما سووریێ دکە.

کوردستانا سووریێ ئێدی کرنە رۆژئاڤا و دۆزا کوردی ئێدی تام نەدیارە و کەس ژی نکارە بشۆپینە کانێ کورد خوەدی مافن یان نا.

ئەو ژ پەرسپەکتیفا هن ئالیگر و پشتگرێن په‌كه‌كێ یه‌ کو دبێژن چ نینە کو ئەم بێژن باکورێ رۆژهلاتێ سووریێ یان ژی پەیڤا رۆژئاڤا ب کاربینن ژ بەر کو سیاسەتا په‌كه‌كێ پیرۆزە!، لێ ئەو نزانن کو سیاسەتا په‌كه‌كێ ب خەیالێن تاری، ئێش، ترس و نەزەلالیێ ڤە گرێدایی یە، ئه‌ڤ رێخستن ب هێرسه‌كه‌ دۆمدار هەر تشتی ل سەر حەسابێ هەستێن بریندار و هەبوونا کوردێن رۆژئاڤا کوردستانێ دکە.

  • ئەڤ گۆتار تایبەتە بۆ دارکا مازی

پوستێن ھەمان بەش