لە شاری هیوستنی ئامریکا، کەسێک ئامبوڵانسێکی دزی کە نەخۆشێکیشی تێدا بووە.
بهڕێوهبهرایهتی پۆلیسی هیوستن له ژمارە تویتەری خۆیدا ئاشکرای کردووە کە دوێنێ هەینی ڕێکەوتی 23/7/2021، کەسێکی چەکدار ئامبوڵانسێکی دزیوە کە نەخۆشێک و کارمەندێکی فریاکەوتنی تێدا بووە.
هەروەها ئاشکرای کردووە کە لە دوای دزینی ئامبوڵانسەکە، ئەو کەسە چەکدارە شۆفێری ئامبوڵانسەکەی بە زۆری چەک خستۆتە خوارەوە و دواتر ئامبوڵانسەکەی بردووە.
هەروەها ئاشکرای کردووە کە نەخۆشێک و کارمەندێکی فریاکەوتن لە دواوەی ئامبوڵانسەکەدا بوونە.
پۆلیسی هیوستن گوتوویەتی کە لە دوای تێپەڕبوونی ماوەیەک، بههۆی بهكارهێنانی سیستەمی (GPS)ی ناو ئۆتۆمبێلهكه، توانراوه شوێنی ئامبوڵانسەکە دەستنیشان بکرێت و بهبێ ئهوهی هیچ رووداوێكی دیكه رووبدات کەسە چەکدارەکەیان دەستگیر کردووە.