دڤێ ئاگربەست ب ڤەکشینا ھێزێن داگیركار ب ئەنجام ببە

كه‌جه‌كێ دیار کر دڤێ ئاگربەست نە ب رەواکرنا داگیرکاریێ به‌، لێ ب ڤەکشینا ھێزێن داگیرکەر ب ئەنجام ببە، ژ ڤی ئالی ڤە بەرخوەدێر ژ بلی ڤەکشینا داگیرکاران تو رێیەکە دن قەبوول ناكن.

ھەڤسەرۆکاتیا کۆنسەیا رێڤەبەرا كۆما جڤاكێن كوردستانی كه‌جه‌كێ، ل ده‌ربارا داگیركاریا ترکیێ ل سەر باکور و رۆژھلاتێ سووریێ و ل سەر پەیمانا کو ھاتی کرن داخویانی دا.

د داخویانیا كه‌جه‌كێ ده‌ وها هاتیه‌ نڤیساندن:

“کورد، ئەرەب، سووریان، ھەموو گەلێن باکور- رۆژھلاتێ سووریێ د ئەنجاما ته‌كۆشینا دژی چەتەیێن دەر مرۆڤی یێن مینا (ئەل نوسره‌ و دائیشێ)، پەرگالەکە دەمۆکراتیک و ئازاد کو ژ ھەموو گەلێن رۆژھلاتا ناڤین رە ببە میناک ئاڤا کرنە”.

“فاشیزما ئاکه‌پێ – مه‌هه‌پێ کو ل سەر کوردان پۆلیتیکایا قرکرنێ دکە، ژ دەستپێکێ ڤە دژمناتی ل ڤێ پەرگالا دەمۆکراتیک کریە. فاشیزما ئاکپێ – مه‌هه‌پێ کو ل ده‌ستپێكێ بەرێ (ئەل نوسره‌ و دائیشێ) د ده‌ سەر ڤێ پەرگالا دەمۆکراتیک، دەما کو ئەڤ ھێز تێک چوونە ئەو بخوە کەتیە دەورێ”.

 “دەستھلاتا فاشیستا ئاکپێ – مه‌هه‌پێ کو دیتی ل باکور – رۆژھلاتێ سووریێ گەشبوونا دەمۆکراسیا خوەجھ، خوەدی ستاتووبوونا کوردان و ل سەر ڤێ بنگەھێ دەمۆکراتیک بوونا سووریێ وێ پەرگالا وانا قرکەریا فاشیست ھلوەشینن، ل دژی باکور – رۆژھلاتێ سووریێ، ئێریشێن داگیركار دایە دەستپێکرن”.

كۆما جڤاكێن كوردستانێ به‌هسا هه‌ژماره‌كه‌ مژاران د به‌یانا خوه‌ ده‌ كریه‌ بانگ ل جڤاكا ناڤنه‌ته‌وه‌ئی دكه‌ كو هه‌وله‌ست هه‌به‌، ل ده‌ربارا به‌رخوه‌دانا گه‌لێ رۆژئاڤا ژی وها گۆتیه‌:

ژ بلی ڤەکشینا داگرکریێ دڤێ تشتەک نەیە قەبوولکرن

“ب پەژراندنا ترامپ، ژ بۆ کو نەھەقیا ئێریشێن داگیركارێن دژمنێ کورد ئەردۆگانێ فاشیست دایی دەستپێکرن وەرە نیشاندان، وھا خویا دکە رێڤەبەریا باکور – رۆژھلاتێ سووریێ ئەڤ ئاگربەست قەبوول کریە. دڤێ ئاگربەست نە داگیركاریێ مەشرووع بکە لێ وھا ب ئەنجام ببە کو ھێزێن داگیركار ڤەکشن”.

“ژ بەر کو بەرخوەدێر و گەلێن جیھانێ یێن کو دەستەکێ ددنە ڤێ بەرخوەدانێ و رایا گشتییا دەمۆکراتیک دخوازن کو ئەڤ ئێریشێن داگیركار راوەستن و داگیركار ب تەمامی ڤەکشن”.

“ژ بەر ڤێ ژی بەرخوەدێر و رایا گشتییا دەمۆکراتیک ژ بلی ڤەکشاندنا داگیركاران نە ئاماده‌نه‌ تو رێیه‌كا دن قه‌بوول بكه‌ن”.

ل داوی یا به‌یانا خوه‌، كه‌جه‌كه‌ دبێژه‌: بەرخوەدانا ب روومەتا گەلێن باکور و رۆژھلاتێ سووریێ و هه‌سه‌دێ ل دژی ئێریشێن گران، کر کو ئاگربەستەکە ب ڤی رەنگی بێ راگھاندن، ئەم پێ باوەرن کو وێ ب بەرخوەدانا خوە داوی ل داگیركاریێ بینن، ل سەر بنگەھا باکور و رۆژھلاتێ سووریێ یا دەمۆکراتیک یەکیتیا دەمۆکراتیکا سووریێ پێک بینن.