بالیۆزخانەیا ئامەریکا ل بەغدایێ مووشەکەک خستە خوارێ

ناڤچەیا کەسکا بەغدایێ ب مووشەکەکە کاتیۆشا ھات ئارمانکرن، لێ سیستەما بەرەڤانیا مووشەکی یا ئامەریکا (C-RM) ئەو مووشەک خستە خوارێ.

مەدیایا ئیراقێ بەلاڤ کر، شەڤا بووری ناڤچەیا کەسکا بەغدایێ ب مووشکەکە کاتیۆشا ھات ئارمانجکرن، لێ ئەو مووشەک ژ ئالیێ سیستەما بەرەڤانیا مووشەکی یا ئامەریکا (C-RM) ڤە ھات شکاندن و بالیۆزخانەیا ئامەریکا ژی زەنگلێ ئاگاھداریێ لێ دا.

شکاندنا ڤێ مووشەکێ د دەمەکێ دەیە، ئارتێشا ئیراقێ دا زانین وان ل ناڤا بەغدایێ دەست دانین سەر ٧ مووشەکێن کاتیۆشا و سەکۆیا ئاراستەکرنا وان کو بەرێ وان بەر ب ناڤچەیا کەسک بوو.

پشتی کوشتنا فەرماندارێ فەیلەقا قودسێ یا سوپایا پاسدارێن ئیرانێ قاسم سولەیمانی و فەرماندارێ دەستەیا حەشدا شەعبی ئەبۆمەھدی مۆھەندس ل بەغدایێ ژ ئالیێ ئامەیرکا ڤە د دەستپێکا ئیسال دە، ئێریشێن ل دژی بنکەیێن ئامەریکا ل ئیراقێ زێدە بوون.

واشنگتۆن، کەتیبەیێن حزبولاھا ئیراقێ و گرووپێن دن یێن نێزیکی ئیرانێ ب وان ئێریشان تۆمەتبار دکە.

د دەما بووری دە ژی، ھێزێن ئامەریکی جھێن خوە ل ٧ بنکەیێن سەربازی یێن ئیراقێ گوھارتن.

ب گشتی، ژ مەھا جۆتمەھا ٢٠١٩ان ڤە و ھەتا نھا، زێدەتر ژ ٣٠ ئێریشی ل جھێن سەربازی و دیپلۆماسی یێن ئامەریکا ل ئیراقێ ھاتنە کرن.