دەربارێ ئەفسەرێ ببوو سەدەما مرنا کچا ئێلھی بریارا گرتنێ ھاتە دەرکرن

ل سەر ئەفسەرێ پسپۆر موسا ئۆرھان کو دەستدرێژی ل سەر کچەکا ئێلھی کربوو، بریارا گرتنێ ھات دان.

بریار ھاتە دان کو ئەفسەرێ ئارتێشا ترکیێ یێ ب ناڤێ موسا ئۆراھان کو ببوو سەدەما خوە کوشتنا کچا خەلکا ئێلھا باکورێ کوردستانێ یا ب ناڤێ ئیپەک ئەر بهێتە گرتن.

ل باژارێ ئێلھێ یێ باکورێ کوردستانێ ژ لایێ ئەفسەرێ پسپۆر موسا ئۆرھان ڤە دەستدرێژی ل سەر کچەکا ١٨ سالی یا ب ناڤێ ئیپەک ھاتبوو کرن و وێ کەچکێ د ١٦ێ تیرمەھێ دا ھەولا خوەکوشتنێ دابوو و ل نەخوەشخانەیێ ژیانا خوە ژ دەست دابوو.

تێکەلداری ئەفسەرێ پسپۆر مووسا ئۆرھانێ، بریارا گرتنێ ھات دان. ژ بەر کارڤەدانێن رایا گشتی ل سەر ڤێ مژارێ، ئۆرھان دەمەکێ کورت پشتی ڤێ جینایەتێ ھاتبوو گرتن.

ئەفسەرێ پسپۆر یێ ئارتەشا ترکیێ مووسا ئۆرھان کو ل باژارێ ئێلھێ ئیپەک ئەر ل مالەکێ گرتبوو و ب درێژیا ٢٠ رۆژان دەستدرێژی ل سەر وێ کربوو، و پاشان بووبوو سەدەما خوەکوشتنا وێ بریارا گرتنێ ھات دەرکرن.

پشتی بھیستنا نووچەیا مرنا کچکێ، کوردان ل سەر مەدیایا جڤاکی تاگەک ب ناڤێ بلا مووسا ئۆرھان وەرە گرتن ڤەکرن.

مووسا ئۆرھان پشتی بەرتەکێن مەزن ئێن رایا گشتی ژ کار ھاتبوو دوورخستن.
مووسا ئۆرھان کو ب سەدەما کوشتنام ئیپەک ئەر تێ تۆھمەتبارکرن، ب بریارا دادگەھا تاوانێن گران یا سێرتێ ھاتە گرتن.