په‌كه‌كه‌ پرۆپاگاندایا هلبژارتنێ ب جه‌نازه‌یێن زارۆكێن كوردان دكه‌

رێخستنا په‌كه‌كێ د هه‌فته‌یه‌كێ ده‌، ناسنامه‌یێن 15 چه‌كدارێن خوه‌ پرانی ژێ زارۆك پارڤه‌كرنه‌ كو چه‌ند سالان به‌رێ هاتنه‌ كوشتن و ژ نوو ڤه‌ و ژ بۆی پرۆپاگاندایا هلبژارتنێ هاتیه‌ و مرنا وان ئیفشا دكه‌.

هه‌په‌گێ باسكێ له‌شكه‌ری یێ په‌كه‌كێ ژ 24 نیسانا 2023، وێنه‌ و ناسنامه‌یێن 15 چه‌كدارێن خوه‌ 4 ژێ كه‌چ، ب ته‌ڤاهی پرانی ژێ زارۆك پارڤه‌كرنه‌ كو ژ سالا 2019ێ ل چیایێن مه‌تینایێ، گاره‌، هه‌ر وها ل هه‌رێما سه‌رحه‌دێ و مێردینێ كه‌تنه‌ به‌ر ئێریشێن ده‌وله‌تا ترك و هاتنه‌ كوشتن.

په‌كه‌كه‌ د په‌سنێ ڤان به‌له‌نگازان ده‌ دبێژه‌: «ئه‌و فه‌دایێن ئاپۆ نه‌، وان ژ زارۆكتییا فه‌لسه‌فا ئاپۆ ناسكر، راسته‌ مه‌ وه‌ندا كرن، لێبه‌لێ لاییقی ئاپۆ ده‌ركه‌تن».

پارتیا كاركه‌ران ئه‌ڤ ده‌ما مه‌هه‌كێ یه‌، ده‌فته‌را چه‌كدارێن خوه‌ یێن كو ل سالێن به‌رێ ژیانا خوه‌ ژ ده‌ست دا نه‌ ڤه‌كری یه‌ و هه‌ر رۆژ وێنه‌یێن كۆمێن وان ل مه‌دیایا خوه‌ پارڤه‌دكه‌ و پرۆپاگاندایا هلبژارتنێ ب وان دكه‌.

په‌كه‌كه‌ زارۆكێن كوردان د ره‌ڤینه‌ و به‌رێ وان دده‌ مرنێ، مرنا وان ڤه‌دشێره‌ و هه‌ر ده‌ما پێویستییا وێ پێ هه‌به‌، پرۆپاگاندایێ ب وان دكه‌.