کورد ل کەرکووک، نەینه‌وا، دیالا، سەلاحەدین و بەغدایێ تەڤلی هلبژارتنان دبن

هلبژارتنێن گشتی یێن جڤاتێن پارێزگەهێن ئیراقێ تێن کرن و کورد ل پارێزگەهێن نەینه‌وا، دیالا، سەلاحەدین و بەغدایێ تەڤلی هلبژارتنان دبن.

پشتی 18 سالان، ل 18ێ بەرچلەیا ئیسال، هلبژارتنێن جڤاتا پارێزگەها کەرکووکێ تێن کرن، کو پشتی هلبژارتنێن 2005ێ و روودانێن 16ێ جۆتمەهێ ئه‌ڤ دبن هلبژارتنێن یەکێ یێن ناڤخوەیی ل کەرکووکێ تێن کرن.

ئیرۆ (دوشەم، 18ێ بەرچلەیا 2023ێ)، سەئەت 7:00ێ سبەهێ، بنگەهێن دەنگدانێ ل 15 پارێزگەهان ژ بۆ پرۆسەیا هلبژارتنێن گشتییێن جڤاتێن پارێزگەهان هاتن ڤەکرن.

زێدەتری 16 ملیۆن کەسان مافێ دەنگدانێ هەیە و کۆمسیۆنا هلبژارتنان یا ئیراقێ هەفت هەزار و 765 بنگەهێن دەنگدانێ کو 48 هەزار و 40 وەستگەهێن دەنگدانێ ڤەدگرە، ژ بۆ دەنگدانێن گشتی، تایبەتی و ئاوارەیان ڤه‌كرنه‌.

د ڤان هلبژارتنان دە، 70 پارت و هەڤپەیمانیێن سیاسی پێشبرکێ ل سەر 275 کورسیان ل هەر 15 پارێزگەهان دکن، کو نێزی شەش هەزار نامزەدان ل سەر لیستان و ب رەنگەکێ سەربخوە پێشبرکێیا هلبژارتنان دکن.