ئارتێشا تركیێ ژ 1 ڤێ مه‌هێ 21 چه‌كدارێن په‌كه‌كێ كوشتنه‌

د سێ ئێریشێن جودا ده‌ كو ل هه‌رێمێن باشوورێ كوردستانێ هاتنه‌ ئه‌نجام دایین، بالافرێن شه‌ر یێن ده‌وله‌تا ترك 21 چه‌كدارێن په‌كه‌كێ كرنه‌ ئارمانج.

ل گۆری ئاژانسا ئه‌نادۆلویێ، ئارتێشا تركیێ ب ئێریشێن ئاسمانی ل رۆژێن 1، 2 و 3 تیرمه‌ها 2024ێ، 3 ئێریش ل ده‌ڤه‌رێن ئۆپه‌راسیۆنا په‌نجه‌ ل باشوورێ كوردستانێ ل دژی لڤ و ته‌ڤگه‌رێن په‌كه‌كێ ئه‌نجام دا نه‌ و 21 چه‌كدارێن په‌كه‌كێ كوشتنه‌.

ئێریش ووسا بوون:

ل 1/7/2024ێ ب ئێریشا ئاسمانی 2 چه‌كدار هاتنه‌ كوشتن.

ل 2/7/2024ێ ب ئێریشا ئاسمانی 13 چه‌كدار هاتنه‌ كوشتن.

ل 3/7/2024ێ ب ئێریشا ئاسمانی 6 چه‌كدار هاتنه‌ كوشتن.

رێخستنا په‌كه‌كێ ده‌ربارێ ڤێ زرار خوه‌ ت ئاگاهی نه‌دانه‌ و ته‌نێ د مه‌دیایا خوه‌ ده‌ ئاماژه‌ زێده‌بوونا ئێریشێن هه‌وایی یێن ده‌وله‌تا ترك كرییه‌.

ئارتێشا ترکیێ رۆژا 17ێ نیسانا 2022ان د ناڤ ئاخا باشوورێ کوردستانێ دە ب هنجەتا هەبوونا بنکە و بارەگەهێن چه‌كدارێن په‌كه‌كێ دەست ب ئۆپەراسیۆنا ب ناڤێ «پەنجە-کلید» کر و ئۆپەراسیۆن هەتا نها بەردەوامە. ئۆپەراسیۆنا «پەنجە-کلید» ناڤچەیێن مەتینا، زاپ و ئاڤاشین-باسیانێ یێن ل سینۆرێ ناڤچەیا ئامێدیێ ل خوە دگرە.