ترکیێ کوشتنا بەرپرسەکی پەکەکێ ل رۆژئاڤا کوردستانێ ئەشکەرە کر

مەدیایا ترکیەیێ راگهاند، ئیستیخباراتا ملی یا ترکیێ “میتێ” بەرپرسێ پەکەکێ عەبدولحەمید کاپار یێ ب کۆدناڤێ “تەکین گویی” ل رۆژئاڤا کوردستانێ کوشتیە.

ل گۆر ئاگاهیێن مەدیایا ترکیەیێ کو ژ چاڤکانیێن ئەولەھیێ یێن وەلاتێ خوە وەرگرتنە، ئەڤ دەمەک بوو کو میتێ دیڤچوونا تەڤگەرا ڤی بەرپرسێ پەکەکێ ل قامشلۆیا رۆژئاڤایێ کوردستانێ کریە.

هات راگهاندن، تەکین گویی بەرپرسێ لۆژیستیک و دارایی یێ پەکەکێ ژ ئالیێ ھێزێن ئەولەکاریا ترکیەیێ ڤە ل قامشلۆیا رۆژئاڤایێ کوردستانێ د ئۆپەراسیۆنەکا تایبەت دە هاتیە کوشتن.

ل گۆرا مەدیا ترکیێ کاپار د سالا 1992 دە ل دژی قەرەقۆلا جەندرمەیان یا ل ناڤچەیا قلابانا شرنەخێ چالاکیەک ل دار خستبوو و د ئەنجامێ دە 26 لەشکەرێن تایبەت هاتبوون کوشتن و 2 کەس ژی ھاتبوون رەڤاندن.