په‌كه‌كێ ناسنامه‌یا فه‌رمانداره‌كا خوه‌ ئاشكه‌ره‌ كر

رێخستنا په‌كه‌كێ ئیرۆ ناسنامه‌یا فه‌رمانداره‌كا یه‌ژا ستارێ ئاشكه‌ره‌ كر كو 5 سالان به‌رێ ل باشوورێ كوردستانێ هاتبوو كوشتن و ژ نوو ڤه‌ ئیرۆ مرنا وێ ئیفشا كر.

یه‌ژا ستارێ كو یێك ژ باسكێن ژنان یا رێخستنا په‌كه‌كێ یه‌، ئیرۆ رۆژا سێشه‌می 19 مژدارا 2024ێ ئاشكه‌ره‌ كر كو فه‌رماندارا وان یا ب ناڤێ به‌رائه‌ت حه‌سه‌ن و ب ناڤێ كۆد مه‌دیا عه‌گید ل مژدارا سالا 2019ێ كه‌تیه‌ به‌ر ئێریشێن ده‌وله‌تا ترك و ژیانا خوه‌ ژ ده‌ست دا یه‌.

یه‌ژا ستارێ مرنا ڤێ فه‌رماندارا خوه‌ بۆ ده‌ما 5 سالان ڤه‌شارتبوو و ئیرۆ ژ نوو ڤه‌ هاتییه‌ و دبێژه‌ ئه‌م وێ ب رێزداری ببیر تینن.

رێخستنا په‌كه‌كێ مرنا ب هه‌زاران جوانێن كوردان ڤه‌دشێره‌ و پاش ده‌رباسبوونا ده‌مه‌ك درێژ ژ نوو ڤه‌ دبێژه‌ مه‌ هه‌ڤالێن خوه‌ وه‌ندا كرن، هه‌موه‌خت وه‌نداكرنا فه‌رماندارێن خوه‌ ژی ت جاری ئیلان ناكه‌، په‌كه‌كه‌ ڤێ دكه‌ ژ بۆ كو خوه‌ وه‌كه‌ ئالیێ سه‌ركه‌تی د شه‌رێ ساخته‌ یێ ب ئارتێشا تركیێ ره‌ نیشانی گه‌ل بده‌.