سێ كه‌چ و خۆرتێن كو په‌كه‌كێ ره‌ڤاندبوون، هاتن رزگار كرن

دو كه‌چ و خورته‌ك كو ته‌مه‌نا وان د بن 18 سالیێ ده‌ نه‌ و ژ هێلا رێخستنا په‌كه‌كێ ڤه‌ هاتبوون ره‌ڤاندن و چه‌كدار كرن، رزگار بوون و كارین ژ رێخستنێ قوت ببن.

چاڤكانیێن تایبه‌ت یێن داركا مازی ئیرۆ رۆژا دوشه‌می 20 چله‌یا 2025ێ ئاشكه‌ره‌ كرن، 3 جوانێن كورد یێن د بن 18 سالیێ ده‌ كو دو كه‌چ و خۆرته‌كن كارینه‌ ل ڤێ داویێ ژ زۆرا رێخستنا په‌كه‌كێ قوت ببن.

ناسنامه‌یا وان وسایه‌:

• ناڤ: ره‌مه‌زان به‌حری محه‌مه‌د.
•  ناڤێ كۆد: گه‌ڤه‌ر بۆتان – هێزل ره‌ش.
• جهـ و ژ داییكبوون: دێركێ / 2009.
• قوتبوون: 24/11/2024ێ.

 

• ناڤ: ئایناز قوربان عه‌لی حه‌سه‌ن.
•  ناڤێ كۆد: هێڤا نشتیمان.
• جهـ و ژ داییكبوون: رۆژهلاتا كوردستانێ / 2008.
• قوتبوون: 2/9/2024ێ.

 

• ناڤ: دنیا زیاد خێرۆ به‌در.
•  ناڤێ كۆد: زیلان گه‌ریلا.
• جهـ و ژ داییكبوون: شه‌نگال / 2007.
• قوتبوون: 22/12/2024ێ.

رێخستنا په‌كه‌كێ ژ بۆی چێكرنا شه‌رڤانان پشت به‌ستنێ ل سه‌ر ره‌ڤاندنا زارۆكێن كوردان ژ هه‌ر چار په‌رچه‌یێن كوردستانێ دكه‌، ئه‌ڤ یێك ژ هێلا رێخستنێن ناڤده‌وله‌تی و رێخستنا نه‌ته‌وێن یه‌كبوویی ڤه‌ هاتیه‌ ته‌سپیت كرن.

په‌كه‌كه‌ زارۆكێن كوردان ل ژێر ناڤ و درووشمه‌یێن خاپینۆك، ب ناڤێ عه‌شقا كوردستانێ و سه‌ربه‌ست كرنا وه‌لات د خاپینه‌ و پشتره‌ مه‌ژیكێ وان دشوو و وان د به‌رخوه‌دانا خوه‌ یا ساخته‌ ده‌ ل چیایێن كوردستانێ ژ بۆی ده‌مۆكراتیك كرنا تركیه‌یێ دده‌ كوشتن.