حزبا دەمۆکراتا کوردستانا ئیرانێ کۆنگرەیا 17 مین ل دار خست

حزبا دەمۆکراتا کوردستانا ئیرانێ (پدکی) راگهاند کو وان کۆنگرەیا 17 مین یا کو پشتی یەکگرتنا هەر دو ئالیان کۆنگرەیا یەکەمە ل دار خست و ئەندامێن سەرکردایەتیێ هلبژارتن.

کۆمیتەیا ناڤەندی یا حزبا دەمۆکراتا کوردستانا ئیرانێ (پدکی) راگهاند کو کۆنگرەیا 17 مین یا پارتیێ ب ناڤێ «کۆنگرەیا یەکگرتنا دەمۆکراتان» هاتیە لدارخستن.

بەرنامەیا پارتیێ و ئەرکێن ناڤخوە هاتن قەبوولکرن و ئەندامێن کۆمیتەیا ناڤەندی ژی هاتن هلبژارتن.

د داخویانیێ دە هات دیارکرن کو کۆنگرە بجهئانینا یەک ژ خالێن سەرەکە یێن لهەڤکرنا هەر دو ئالیێن بەرێ یێن حزبا دەمۆکراتە.

حزبا دەمۆکراتا کوردستانا ئیرانێ (پدکی) سالا 1945ان ل باژارێ مەهابادێ یێ رۆژهلاتێ کوردستانێ هاتبوو دامەزراندن و قازی محەمەد وەکی سەکرەتەرێ یەکەم هاتبوو هلبژارتن.

پدکی د کۆنگرەیێن 4، 8 و 13ان دە راستی دابەشبوونێ هاتبوو لێ پشترە ب یەکگرتن یان ژی ڤەگەرا کەسان رەفێن خوە ل هەڤ ئانیبوو.

حزبا دەمۆکراتا کوردستانا ئیرانێ و حزبا دەمۆکراتا کوردستانێ 21ێ تەباخا 2022یان یەکیتیا خوە ئاڤا کر و وەکی پارتیەکێ ب ناڤێ حزبا دەمۆکراتا کوردستانا ئیرانێ خەباتێن خوە دمەشینە.