د جڤینێ دە، کو جیگرێ سەرۆکێ ئەنجوومەنا نوونەران شاخەوان عەبدوللاھ و سەرۆکێ کۆمیتەیا دەستپاکیێ یا ئەنجوومەنێ زیاد جەنابی ژی ئامادە بوون، گۆتووبێژ ل سەر گرینگیا چارەسەرکرنا پرسگرێکێن د ناڤبەرا ھەرێما کوردستانێ و حکوومەتا فەدەرال دە ھاتن کرن، ب تایبەتی مژارا مووچە و مافێن دارایی یێن کارمەندێن ھەرێما کوردستانێ.
ھەر دو ئالی ھەڤنێرین بوون کو دڤێت ب چ ئاوایی مژارا مووچەیێ لگەل پرسگرێک و ناکۆکیێن سیاسی نەیێ تەڤلھەڤکرن و کارمەندێن ھەرێما کوردستانێ باجا ڤان ناکۆکیان نەدن.
ھەر دو ئالیان تەکەزی ل سەر وێ یەکێ کر کو پێویستە د زووترین دەم دە پرسگرێکا مووچەیێ وەرە چارەسەرکرن و مافێن دارایی یێن ھەرێما کوردستانێ بێن شاندن. د ڤێ دەربارێ دە، گوفتووگۆیێن د ناڤبەرا ھەر دو حکوومەتێن ھەرێم و فەدەرال بەردەوامن، ژ بۆ کێشە د ڤان چەند رۆژان دە بێ چارەسەرکرن.
د مژارەکە دن یا ھەڤدیتنێ دە، ھەر دو ئالیان تەکەزی ل سەر پێویستیا رێزگرتنا ل سیستەما فەدەرالی یا ئیراقێ و مافێن دەستووری یێن قەوارەیا ھەرێما کوردستانێ کرن.
