سەرۆکێ PDK-T سەرپێھاتیەکا دیرۆکی یا ئیبراھیم گاباری ئاشکەرا دکە

محەمەد ئەمین کارداش ب بۆنەیا کۆچا داوی یا پێشمەرگەیێ شۆرەشا ئیلۆنێ ئیبراھیم گاباری، سەرپێھاتیەکا دیرۆکی و بالکێش ئەشکەرە کر و راگھاند، “رەژیما بەعس یا سەدام ئەو ژ بۆ سوویقەستا ل دژی مەلا مستەفا بارزانی شاندبوو کوردستانێ، لێ وی چەنتەیا سوویقەستێ رادەستی مەلا مستەفا بارزانی کر و بارزانی ژی ئەو خەلات کر.”

سەرۆکێ پارتیا دەمۆکراتا کوردستانێ-ترکیە (PDK-T) محەمەد ئەمین کارداش ئیرۆ 16ێ ئیلۆنێ د پەیامەکێ دە، ئەڤ بەشا گرینگا ژیانا گاباری دیار و گۆت:

“رەژیما بەعس یا سەدام ژ بۆ سکۆشتنا مەلا مستەفا بارزانی ئەو شاندبوو کوردستانێ، لێ ئەو ل خوە مکور ھات، چانتایا کوشتنێ رادەستی مەلا مستەفا بارزانی کر، بارزانی ژی ئەو خەلات کر.”

کارداش ھەروھا دا زانین کو وی گاباری ژ سالێن 1975ێ ڤە ناس دکر و گۆت: “دەما ئەندامێن ‘قیادا موەقەت’ ل باکورێ کوردستانێ کارێ سیاسی دکرن، ئیبراھیم گاباری پەیامێن قیادێ دبرن و دئانین. من ھنگی ئەو ناسکر.”

ژیانەکا د ناڤ زیندان و تێکۆشینێ دە

ئیبراھیم حەج محەمەد گاباری، سالا 1947ێ ل گوندێ بێزارێ یێ سەر ب باژارێ حەسەکێ یێ رۆژئاڤایێ کوردستانێ ڤە ژ دایک بووبوو. ئەو یەک ژ پێشمەرگەیێن دلسۆزێن شۆرەشا ئیلۆنێ یا ب رێبەرتیا مەلا مستەفا بارزانی بوو.

گاباری ژ بەر خەباتێن خوە یێن سیاسی و تێکۆشینا ژ بۆ دۆزا گەلێ خوە، 24 سالێن تەمەنێ خوە وەک گرتیێ سیاسی د زیندانێن رەژیما بەعس یا سووریەیێ دە دەرباس کربوو.

خەباتکار و پێشمەرگە ئیبراھیم حەج محەمەد گاباری، رۆژا 15ێ ئیلۆنێ ل ھەولێرا پایتەختا ھەرێما کوردستانێ کۆچا داوی کر و ل ھەمان باژاری ب خاکێ ھات سپارتن.