موستەفا ئۆزچەلیک: ئەز شیفایا خێرێ ژ بۆ مامۆستە ئیسماعیل بەشیکچی دخوازم

سەرۆکێ گشتی یێ پارتیا وەلاتپارێزێن کوردستانێ (PWK)، موستەفا ئۆزچەلیک، ژ بەر نەخوەشکەتنا مامۆستەیێ جڤاکناس در. ئیسماعیل بەشیکچی، پەیامەکە دەرباسبوونێ بەلاڤ کر و شفایا خێرێ ژێ رە خوەست.

داخویانیا موستەفا ئۆزچەلیک وھایە:

ئەز شیفایا خێرێ ژ بۆ مامۆستە ئیسماعیل بەشیکچی دخوازم دۆستێ ملەتێ کورد، مامۆستەیێ مەیێ ھێژا، در. ئیسماعیل بەشیکچی ئیرۆ ل ئامەدێ د دەما نیشاندانا بەلگەفیلما ‘بزم ئیسماعیل/ئیسماعیلێ مە’ یا ل سەر ژیانا وی دە دئاخڤی و ژ نشکا ڤە نەخوەش کەت.

مامۆستە بەشیکچی ژ ئالیێ تیمێن تەندورستیێ ڤە راکرن نەخوەشخانەیا فاکولتەیا تپێ یا زانینگەھا دیجلەیێ.

مامۆستە بەشیکچی نھا ل نەخوەشخانەیا ئامەدێ، د بەشا نەخوەشییێن گران دە د بن کۆنترۆلێ دەیە.

ئەز شیفایا خێرێ ژ بۆ دۆست و خەمخورێ ماف و ئازادی و دۆزا ملەتێ کورد مامۆستە ئیسماعیل بەشیکچی دخوازم. ھێڤی دکم کو مامۆستەیێ مەیێ ھێژا دێ بسەرخوە ڤە وەرە، دێ باش ببە.

موستەفا ئۆزچەلیک

پارتییا وەلاتپارێزێن کوردستانێ (PWK)