ههڤپهیمان بارەگەهێن خوە یێن ل رۆژئاڤا كوردستانێ بهێزتر دکن
هەڤپەیمانیا ناڤنەتەوەیی یا ل دژی داعشێ 25 کامیۆنێن دن یێن لەشکەری شاندن رۆژئاڤایێ کوردستانێ، وهكه ههنگاڤهكێ ژ بۆی بهێزكرن بارهگههێن خوه یێن ل حهسهكێ.
هەڤپەیمانیا ناڤنەتەوەیی سەوقیاتا خوە یا لەشکەری و لۆژیستیکی یا ژ بۆ بارەگەهێن خوە یێن ل رۆژئاڤایێ کوردستانێ ددۆمینە.
ل گۆری چاڤکانیەکێ ژ رێڤەبەریا خوەسەرا رۆژئاڤایێ کوردستانێ کاروانەکە نوو یا هەڤپەیمانیێ کو ژ 25 کامیۆنێن تژی کەلوپەلێن لەشکەری و لۆژیستیکی پێک دهات، ژ هەرێما کوردستانێ ب رێیا دەریێ سینۆری یێ وەلید دەرباس بوو.
هەمان چاڤکانیێ دیار کر کو ئارمانجا ڤێ سەوقیاتێ بهێزکرنا بارەگەهێن هەڤپەیمانیا ناڤنەتەوەییه ل باکوڕ و ژۆهلاتێ سووریەیێ یە و ئەو کاروان گهشتیە بارەگەها قەسرکێ یا ل باکورێ حهسهكێ.
ئەڤ د دەمەکێ دە یە کو رۆژا 28ێ ڤێ مەهێ ژی، کاروانەکە دن یا مەزن یا هەڤپەیمانیا ناڤنەتەوەیی کو ژ 35 کامیۆنان پێک دهات، ب هەمان رێیێ دەرباسی رۆژئاڤایێ کوردستانێ ببوو.
