ب ناڤێ كوردستانێ خاپاندن و بۆ بهێزكرنا تركیه‌یێ دان كوشتن

ناسنامه‌یا 6  جوانێن دن یێن كوردان ئاشكه‌ره‌ بوو كو رێخستنا په‌كه‌كێ ئه‌و ل سالا 2018ێ ل باشوورێ كوردستانێ بۆ ده‌مۆكراتیكرنا تركیه‌یێ دا نه‌ كوشتن و مرنا وان ل مالباتێن وان ڤه‌شارتبوو.

هه‌په‌گێ باسكێ له‌شكه‌ری یێ په‌كه‌كێ رۆژا دوشه‌می 20ی جۆتمه‌ها 2025ێ، ناسنامه‌یێن 6 چه‌كدارێن خوه‌ ئاشكه‌ره‌ كرنه‌ كو پێشی 7 سالان به‌رێ وان دایه‌ مرنێ و هه‌یا رۆژا مه‌ یا ئیرۆ مرنا وان ڤه‌شارتی هشتبوو.

ئه‌ڤ جوانێن كوردان ل مه‌ها ئادارا 2018ێ ل باشوورێ كوردستانێ كه‌تبوون به‌ر ئێریشێن ده‌وله‌تا ترك.

ناڤێن وان وسایه‌:

جانسۆ ئوردوو ژ ئاگریێ.

زیلان ئاڤشار ژ ئه‌رده‌خانێ.

فرات عه‌بدولعه‌زیز ژ وانێ.

سه‌ركان شه‌هابه‌ددین ژ مووشێ.

شاهۆ قاسم ژ سنه‌یێ.

سوات كایا ژ وانێ.

په‌كه‌كێ ئه‌ڤ جوانێن كوردان وه‌كه‌ ب هه‌زاران رێهه‌ڤالێن وان، ب ناڤێ كوردستانا شێرین خاپاندن و پشتره‌ ئه‌و بۆ پرۆژه‌یێ براتیا گه‌لان و بهێزكرنا تركیه‌یێ دان كوشتن، ئیرۆ ژی هاتیه‌ د په‌سنێ ته‌ڤان ده‌ گۆتیه‌ ئه‌و بوون ئافرێنه‌رێن ژیانا ئازاد، ژیانا كو ترك تێ ده‌ هه‌ر تشته‌ و كورد نه‌ تشته‌ك!!.

ژ ده‌ما ده‌ستپێكرنا پێڤاژۆیا ئاشتیێ و ب داوی بوونا چالاكیێن چه‌كداری، مالباتێن گه‌ریلایان ل به‌ندا ڤه‌گه‌را زارۆكێن خوه‌ نه‌، لێ به‌لێ په‌كه‌كه‌ هه‌ر رۆژ وێنه‌یێن كۆمێن وان پارڤه‌دكه‌ و ژ مالباتێن وان ره‌ دبێژه‌: زارۆكێن وه‌ ب سالانه‌ د ژیانێ ده‌ نه‌مانه‌.

ل گۆری ئاگاهیێن ده‌ستێ مه‌، هێژان ب هه‌زاران جوان ما نه‌ كو ناسنامه‌یا وان ڤه‌شارتی مایه‌ و په‌كه‌كێ مرنا وان ئیفشا نه‌كری یه‌.