شەر د ناڤبەرا ئارتێشا سووریەیێ و چەکدارێن هەسەدێ دە چێ بوو

مەدیایا سووریەیێ راگھاند کو ل پارێزگەھێن دێرازۆرێ و لازقیەیێ پەڤچوونێن لەشکەری و ئۆپەراسیۆنێن ئەولەھیێ چێ بوونە. ئەڤ ئالۆزی لگەل ھەبوونا ئاستەنگیێن ل پێشیا بجھانینا پەیمانا د ناڤبەرا ھێزێن سووریەیا دەمۆکراتیک (ھەسەدێ) و حکوومەتا شامێ دە ھەڤدەمن.

ل دێرازۆرێ، ل باژارکێن مەھکان و کشمەیێ، ب رێیا بکارئانینا چەکێن گران و تۆپان، د ناڤبەرا ئارتێشا سووریەیێ و ھێزێن سووریەیا دەمۆکراتیک (ھەسەدێ) دە پەڤچوون چێ بوون.

رایەدار و شرۆڤەکەران ژی ژ ئالیێ خوە ڤە راگھاند کو، ئاستەنگی ل پێشیا بجھانینا پەیمانا د ناڤبەرا ھێزێن سووریەیا دەمۆکراتیک (ھەسەدێ) و حکوومەتا شامێ دە ھەنە.

ئەڤ ئالۆزی د دەمەکێ دە نە، کو د 10ێ ئادارێ دە د ناڤبەرا ھەسەدێ و حکوومەتا شامێ دە پەیمانەک ھاتبوو ئیمزەکرن، کو چەند خالێن گرینگ ڤەدگرتبوون، وەکی:

–         یەککرنا دەزگەھێن سڤیل و لەشکەری ل رۆژئاڤایێ کوردستانێ.

–         دابینکرنا مافێن دەستووری یێن کوردان.

–         ڤەگەرا ئاوارەیان.

–         رەدکرنا ئیدیعایێن پارڤەکرنێ

تەڤی دانووستاندنێن ڤەکری، بجھانینا وێ پەیمانێ رووبروویی چەند ئاستەنگیێن مەزن بوو، وەکی:

پێگەھا ھەسەدێ، “رێڤەبەریا خوەسەر”، ئیسرار دکە کو جھەکێ تایبەتی ژ بۆ ھێزێن سووریەیا دەمۆکراتیک (ھەسەدێ) د ناڤ ئارتێشا سووریەیێ دە بپارێزە، کو ژ ھێلا شامێ ڤە تێ رەدکرن.

ئاوایێ برێڤەبریێ، رێڤەبەریا خوەسەر داخوازا سیستەمەکا نەناڤەندی دکە، لێ حکوومەتا سووریەیێ ل سەر دەولەتەکا ناڤەندی ئیسرار دکە.